Долоон настай охин толгойгоо гараараа халхалж байгаад хуруугаа цавчуулжээ
Нагац ахдаа зодуулж гурван хуруугаа тасдуулсан гэх охин яг одоо ГССҮТ-д хагалгаанд орж байгаа бөгөөд уг хагалгаа шөнийн 02 цагт эхэлжээ. Хагалгаанд ГССҮТ-ийн эмч нар болон ӨМЗО-ын мэргэжлийн эмч нар хамтарч хагалгаанд орж байгаа гэв.
Мөн охин толгойндоо хоёр оёдол тавиулсан бөгөөд заазуураар цавчуулахаас хамгаалж гараараа хааж хуруугаа тасдуулсан байж болзошгүй хэмээх мэдээллийг охины эмээ өгсөн байна.
Харин албаны эх сурвалжийн хэлж буйгаар хэргийг мөрдөн шалгаж байгаа бөгөөд хэрэг үйлдсэн этгээдийг өнгөрсөн шөнө баривчилсан байна. Мөн тухайн этгээдэд өгөх ял шийтгэлийг охины гэмтлийн зэргийг тогтоогдсоны дараа шийдэгдэнэ хэмээн мэдээллээ.
Үндсэн :12 цагт
ШУУРХАЙ: Нагац ах нь долоон настай дүүгийнхээ гурван хурууг тасдаж, халуун ус цацжээ
Өнгөрсөн шөнө долоон настай охины гурван хурууг тас цавчиж халуун ус цацсан хэрэг гарчээ. Хэргийг тодруулбал, өнгөрсөн шөнө22 цагийн орчимд “Дамбын гудамж, дэлгүүрийн гадаа 6 настай эмэгтэй хүүхэд зодуулсан байдалтай байна” гэсэн мэдээллийг авч шалгахад Сүхбаатар дүүргийн17-р хороо Дамбадаржаагийн гудамжинд оршин суух долоон настай охиныгзүүн гарын дунд хуруу, долоовор хуруу, баруун гарын эрхий хурууг Тус тоотод суух, нагац ах “Ш” /эр.51н/ нь согтуурсан үедээ үйлдсэн байж болзошгүй нөхцөл байдал илэрчээ.
Ар гэрийнхний зүгээс хамаатны хүн нь гэмт хэрэгт холбогдсон учир хоорондоо ярилцаж байгаад өгнө гэлээ. Одоогоор яриа өгөх боломжгүй. Хэтэрхий харгислалтай юм, цагдаа нь шалгаж байгаад хэргийг нь сайн шийдээсэй хэмээн ярив.
Харин охин яг одоо ГССҮТ-д хуруу залгуулах хагалгаа хийлгэж байгаа аж.
Хагалгаа шөнийн 2 цагаас эхэлсэн бөгөөд одоо ч / 11цагт / үргэлжилсээр байгаа аж.
Мэргэжлийн эмчийн хэлж буйгаар яаралтай хагалгаа явагдаж байна. Охины залгасан хуруунууд хэвийн ажиллагаанд орох боломжтой хэмээн ярилаа.
Ж.ДӨЛГӨӨН