“Солиот эх” киног Хятадын зах зээлд гаргана
БНХАУ-ынБээжин хотноо“Азийн соёл иргэншлийн ярилцлага” хуралэнэ сарын 15-16-ндболсон билээ.Азийн кино, телевизийн салбарын шилдгүүд нэг дор цугласан тус хуралдурилгаар оролцсонМУГЖ Х.Одончимэгтэй хурлын завсарлагаанаар цөөн хором ярилцсан юм.
-ТаныгХятадын кино урлагийн наадмаас шагнал авч байсныг дуулсан...?.
-Тийм, өнгөрсөн жил Хятадын Чиндао хотод ШХАБ-ын гишүүн орнуудын хурлын дараа болсонкино урлагийн наадмаас шилдэг эмэгтэй дүрийн шагнал хүртэж байсан. Тийм ч учраас энэ удаагийн хуралд урих шиг боллоо. Учир нь энд дандаа Берлин, Канн, Венец зэрэгкино урлагийн “А” зэрэглэлийн наадмаас шагнал хүртсэн, Азийн шилдэг жүжигчид уригдсан байгаа.Чиндаогийн наадам бас л Хятадын “А” зэрэглэлийн наадам юм даа. Одоохондоо миний харж байгаагаар, Хятадын нэрт, томтом найруулагч, продюссер, жүжигчид, Энэтхэгийн нэрт жүжигчин гээд харагдана билээ.
-Тус хурал олон салбар хуралдаантай болж байна. Та кино урлагийн салбар хуралдаанд оролцож үг хэлэв үү?
-Азийн орнуудын кино урлагийн салбар хуралдаан нь Чөндү хотод боллоо. Тэнд манай киноноос толилуулж, мөн надтай жүжигчний ур чадварын талаарх маш сонирхолтой ярилцлага болсон. Мөн орон орныжүжигчид уулзалт хийсэн.
-Саяхан Улаанбаатарт “Холливуд Монголд” наадам амжилттай зохион байгуулагдсан. Энэ үеэр та бас шагнагдсан шүү дээ?
-Тийм, энэ их үр дүнтэй наадам болсон гэж үзэж байгаа. Ямар ч байсан Монголын кино урлаг урагшлан хөгжиж байна гэж хэлж болох юм.
-Монголын кино урлаг олон улсын зах зээл рүү орж эхэлж байна гэж хэлж болох уу?
-Тийм, ер нь бол алхаж л байна.
-Та цаашдын уран бүтээлийн төлөвлөгөөнөөсөө танилцуулж болох уу?
-Мэдээж уран сайхны кинонд ажиллана гэж бодож байгаа. Зохиолын эрэлд л явж байна даа.
-Та тайзны урлагт төдийгүй дэлгэцийн урлагт ч хүч сорьж, маш амжилттай явж буй жүжигчин. Тэгэхээр мэргэжлийн хүний үүднээс, Хятадын кино урлагийг хэрхэн үнэлж дүгнэж байна вэ?
-Хятадын кино урлаг аль хэдийн хүчээ авсан. Дээр нь Холливуд төдийгүй дэлхийн бүх орны жүжигчид Хятадын зах зээл рүү зүтгэцгээж байна гэхэд хилсдэхгүй.
-Шилдэг кино, дэлгэцийн бүтээлээ Хятадын зах зээлд гаргах боломж хэр их байна вэ?
-Одоогоор, “Солиот эх” кино маань Хятадын зах зээлд гаргах техникийн болоод бусад бүх үзүүлэлтэд тэнцсэн. Борлуулалтын асуудлыг Хятадын талтай ярилцаж байна.Тун удахгүй Хятадын зах зээлд борлогдоно гэж бодож байна.
-Баярлалаа, танд уран бүтээлийн амжилт хүсье.
Б.Мөнхтуул
2 сэтгэгдэл