"Алтайн түмэн гайхамшиг" үзэсгэлэнг виртуал орчинд үзэж сонирхох боломжтой

Ховд, Говь-Алтай, Баян-Өлгий, Увс аймгийн гэрэл зурагчдын байгаль, амьтан, ургамал, нүүдэлчдийн ахуй амьдралыг харуулсан гэрэл зургийн үзэсгэлэн гарч байна. 

               Анх удаа зохион байгуулж буй тус гэрэл зургийн үзэсгэлэнгийн нэр нь "Алтайн түмэн гайхамшиг"

Энэ хүрээнд баруун бүсийн гэрэл зурагчдын хамтарсан 80 гаруй зураг дэлгэжээ. Эдгээр гэрэл зургаар дамжуулан зэрлэг амьтан, ургамал хийгээд байгаль орчин, монгол ахуйн соёл, уламжлалыг танин мэдэх, бишрэн дээдлэх, хамгаалах сэдэл бий болгохыг зорьж байна.
Мөн баруун бүсийн гэрэл зураг сонирхогчдын шилдэг уран бүтээл, музейн зарим сонирхолтой үзмэрийг байгаль, амьтдын чимээн дунд танхимаар болон виртуал орчинд үзэж сонирхох боломж бүрдүүлжээ.

Тус үзэсгэлэнг Дэлхийн байгаль хамгаалах сан (WWF)-гийн Монгол дахь хөтөлбөрийн газрын 30 жилийн ойн хүрээнд олон нийтийн хүртээл болгож байгаагаараа онцлогтой.
"Алтайн түмэн гайхамшиг" гэрэл зургийн үзэсгэлэн 2022 оны гуравдугаар сарын 28-ны өдрөөс дөрөвдүгээр сарын 3-ны өдөр хүртэлх хугацаанд Ховд аймгийн төв, Домбот хотхонд гарч байна.
Энэ удаагийн гэрэл үзэсгэлэнгийн үйл ажиллагааг санаачлан зохион байгуулагч, санхүүжүүлэгч нь Дэлхийн байгаль хамгаалах сан (WWF)-гийн Монгол дахь хөтөлбөрийн газар. Хамтран зохион байгуулагч нь Нутгийн зураг студи, баруун бүсийн Говь-Алтай, Ховд, Баян-Өлгий, Увс аймгийн гэрэл зурагчдын холбоо юм. Мөн аймгийн Музей, Соёл урлагийн газар дэмжигч байгууллагаар ажиллаж байна.
Тэд Монгол орны баруун хязгаарт орших мөнх цаст сүрлэг Алтайн их уулс, нурууд, өвөр говь, их нууруудын хотгор зэрэг мөнх цаст уулс, хангай, говь, тал, хээр, гол, нуур, өвөрмөц тогтоц бүхий онгон дагшин байгаль, түүх соёлын дурсгалт газар, амьтан, ургамал, байгальтай зохицон амьдарч буй олон угсаатны ахуй амьдрал, өв уламжлал, ёс заншлыг харуулсан гэрэл зураг бүхий танин мэдэхүйн болон аялал жуулчлалын ач холбогдолтой үзэсгэлэнг иргэд, залуу үе, хүүхэд багачуудад дэлгэн үзүүлэх замаар эх орноо бахархан хайрлах сэтгэлийг төрүүлж, дотоод болон гадаадад түгээн дэлгэрүүлж, мэдлэг олгох, бүрэн бүтнээр нь хадгалан хамгаалж, хойч үедээ өвлүүлэн үлдээх, мөн гэрэл зурагчдын авьяасыг дэмжих, ур чадварыг сайжруулах, тэднийг таниулах, бүтээлийг нь сурталчлах, харилцан туршлага судлах зорилгоор энэ ажлыг амжилттай эхлүүллээ. 
Нээлтийн үйл ажиллагаанд Дэлхийн байгаль хамгаалах сан (WWF)-гийн Монгол дахь хөтөлбөрийн газрын "Алтай Соёны" эко-бүсийн салбар (Ховд хот)-ын захирал Д.Байгалмаа, аймгийн Соёл урлагийн газрын дарга М.Пүрэвхүү болон салбарын холбогдох мэргэжилтэн, гэрэл зурагчид, иргэдийн төлөөлөл оролцов.  

Орсон буур 

Сонирхуулахад, өвлийн ид хүйтнээр буур орохдоо цагаан хөөс цахруулан шүдээ хавирч, шилээ шөргөөж, хүрхэрч шаваад муухай загнан ижил сүрэгтээ хүн мал ойртуулахгүй дов, сондуулд хөрвөөх, ойртсон хүн малыг хөөх зэргээр сүр хүчийг үзүүлдэг.
Орсон бууртай тэмээнд чоно ч айгаад ойртдоггүй билээ. Үүнээс үүдэн чоно орсон буурны дуу сонссоноос, оготор шарын дуу сонссон нь дээр гэсэн домог яриа байдаг.
Орсон бууранд морьтой хүн хөөгдөж бариулсан, суудлын машиныг шөргөөж өмнүүр хэрж хөндөлдөөд явуулахгүй байсан гээд баримттай болсон явдал, хууч яриа олон бий.
Говийн нэгэн аймагт жанжин хүрэн хэмээх буур ид орооныхоо үед өөр нэгэн бууртай тэмцэлдэн хүч тэнцээд бие, биеэ отож хөдлөхгүй хэвтсээр хоёул тэндээ үхсэн гэсэн домог яриа ч мөн тэмдэглэгдэн үлджээ. скачать dle 12.0