Эрдэнэт үйлдвэрийн "Эрсдэлийн сан"-гаас Стандарт банкинд 40 сая ам.доллар шилжүүлснээр Эрдэнэт үйлдвэр ӨРГҮЙ боллоо

Шадар сайд Ө.Энхтүвшин, Эрдэнэт үйлдвэрийн дарга Х.Бадамсүрэн нар "Стандарт" банкны асуудлаар мэдээлэл хийж байна. Стандарт банк руу 40 сая америк доллар шилжүүлж, өргүй болсон гэв. Монголбанкны өнөөдрийн ханшаар тооцвол 40 сая америк доллар нь 105 тэрбум, 240 сая төгрөгтэй тэнцэж байна.
Хугацаагаар эрэмбэлж харах :эхнээссүүлээс14:04 өнөөдөр
13:47 өнөөдөрШадар сайд Ө.Энхтүвшин, Эрдэнэт үйлдвэрийн дарга Х.Бадамсүрэн нар "Стандарт" банкны асуудлаар мэдээлэл хийж байна. 

Шадар сайд Ө.Энхтүвшин: Эрдэнэт үйлдвэр Стандарт банкны хоорондох маргааны талаар эхлээд товч мэдээлэд өгье. Анх "Жаст" группийн ерөнхий захирал Ш.Батхүү Өмнөд Африкийн Стандарт банкны 2009-2010 онд зээлийн гэрээ байгуулж, 2012 он хүртэлх хугацаанд нэмэлт гэрээ байгуулж, нийт 160.1 ам.доллар авсан юм билээ. Зээл хугацаандаа төлөөгүй учир Стандарт банк Лондонгийн олон улсын арбитрын шүүхэд 2013 оны 7-р сард хандсан. ОУ-ын арбитрын шүүх энэ асуудлаар 2015-2016 онд 4 удаа хуралдсан. 

Стандарт банк Эрдэнэт үйлдвэрээс нийт 86.95 сая ам.доллар нэхэмжилсэн. Яагаад Эрдэнэт үйлдвэрээс нэхэмжилсэн гэхээр Эрдэнэт үйлдвэр энэ зээлийн батлан даагчаар оролцсон гэсэн учир шүүх тэрийг баталгаажуулсан байна. Жастын Батхүү "Би бүх гарын үсгийг хуурамчаар зураад зээл авсан" гэж хэлээд байсан ч Лондонгийн ОУ-ын арбитрын шүүх ийм шийдвэр гаргасан. 

Манай тал энэ шийдвэрийг хүлээн зөвшөөрөөгүй. Лондонгийн шүүх анх 86.95 саяыг доллар нэхэмжилсэн. Дараа нь 35.95 саяыг нь хасаад 51 сая ам.доллар нэхэмжилсэн. Энэ шийдвэр 2016 оны 9-р сарын 20-нд гарсан. Манайх энэ шийдвэрийг хүлээн зөвшөөрөөгүй Английн дээд шүүхэд давж заалдах гомдол гаргасан. Гэхдээ шүүхийн процедур нэлээд түвэгтэй юм билээ. Та нар эхлээд давж заалдах эрхээ олж авах ёстой. Эрхээ авахын тулд нэн даруй шүүхээр шийдвэрлэсэн 51 сая долларыг Стандарт банкны дансанд байршуулсан байх ёстой гэсэн шаардлага тавьсан.  Тухайн 51 сая доллар төлөх боломж байгаагүй. 

Лондонгийн арбитрын шүүхийн шийдвэрийн дараа Стандарт банк Английн дээд шүүхэд төлбөрийн даруй гаргаж өгөх тухай гомдол гаргасан. Дээд шүүхээс илүү хатуу шийдвэр гаргасан. Тухайлбал:

• Эрдэнэт үйлдвэрийн эд хөрөнгийг Англи болон Уэльсийн нутаг дэвсгэрээс гаргахгүй байх
• Мөн тэдгээр эд хөрөнгийн захиран зарцуулах, худалдан борлуулах
• Арбитрын шүүхээс гаргасан 41.22 сая доллар, дээр нь хэрэг хянан шийдвэрлэхтэй холбоотой Стандарт банкнаас гаргасан зардал 476.8 мянган фунт стерлингтэй тэнцэх мөнгөн дүнг банкинд байршуулах шийдвэр гаргасан. 

Энэ шүүхийн эцсийн шийдвэр учир төлөхгүй байх боломжгүй болсон учир Ерөнхий сайдын захирамжаар 2018 оны 8-р сард Шадар сайдаар ахлуулсан Ажлын хэсэг гаргасан. Ажлын хэсэг хэд хэдэн удаа хуралдаад төлөхгүй бол ямар эрсдэл гарахыг тооцож үзсэн. Английн шүүхийн шийдвэрээр Монгол Улсын нутаг дэвсгэрийн гадна жишээлбэл Эрдэнэт үйлдвэрт төлөх төлбөрийн гүйлгээг царцаах шийдвэр гаргаж, энэ тухай Эрдэнэт үйлдвэрээс зэсийн баяжмал авдаг хэд хэдэн компанид мэдэгдсэн байсан. Эрдэнэт үйлдвэрийн өрийг 3 дахь этгээдэд зарах шийдвэр гаргасан нь байдлыг улам хүндрүүлнэ. 

Тиймээс өрийг даруйхан өлөх нь зүйтэй юм байна гэдэг шийдвэрийг Ажлын хэсэг гаргаж, ЗГ-т танилцуулсан. Эхний ээлжинд гаднах асуудлаа шийдвэрлээд, дараа нь шүүхийн шугамаар буруутай этгээдүүдтэй нь хариуцлага тооцох дотоод асуудлаа шийдвэрлэх шийдэлд хүрсэн. 
Бид дундын зуучлагч Америкийн компаниар дамжуулан нэлээд урт хугацаанд яриа . хэлэлцээр хийсний эцэст 40 сая ам.долларыг нэн яаралтай хийвэл асуудлыг шийдвэрлэх боломжтой гэсэн тохиролцоонд хүрсэн. Ингээд энэ төлбөрийг Эрдэнэт үйлдвэрийн "Эрсдэлийн сан"-гаас гаргаж шилжүүлсэн. Нөгөө тал төлбөрийг хүлээн авснаа бичгээр мэдэгдсэн. Тэгэхээр одоо буруутай этгээдүүдтэй хариуцлага тооцож, улсад учирсан хохирлыг төлүүлнэ. 
Энэ төлбөрийг хийснээр Эрдэнэт үйлдвэр Стандарт банкны хоорондох маргаан дуусаж байна. 


Х.Бадамсүрэн: Эрсдэлийн сангаас 40 ая долларын төлбөр хийснээр үйлдвэрийн мөнгөний бодлого, санхүүгийн байдалд ямар нэг сөрөг асуудал үүсэхгүй. Доголдолгүй ажиллана. Бизнесийн нууц учир эрсдэлийн сангийн хөрөнгөний талаар мэдээлэл өгөх боломжгүй. скачать dle 12.0