Төрийн өмчийн сургуулийн 42 хувь нь зориулалтын цайны газаргүй байна

НМХГ-аас ерөнхий боловсролын сургуулиудын “Үдийн цай” хөтөлбөрийн хэрэгжилтэд хийсэн шалгалтын дүнг танилцууллаа.
Нийслэлийн хэмжээнд 2019-2020 оны хичээлийн жилд төрийн өмчийн 138 сургууль, төрийн бус өмчийн 99 сургууль, нийт 237 сургуулийн 1-5 дугаар ангийн 160 000 орчим сурагч үдийн цай хөтөлбөрт хамрагдаж байна.
Энэ хичээлийн жилд хийсэн төлөвлөгөөт, төлөвлөгөөт бус, урьдчилан сэргийлэх шалгалтаар төрийн өмчийн сургуулиудын 61, зориулалтын цайны газаргүй байгаа бол огт цайны газаргүй таван сургууль байжээ. Нийслэлд төрийн өмчийн 138 сургуулийн 74 буюу 53.6 хувь зориулалтын, 59 буюу 42.7 хувь зориулалтын бус цайны газартай, 5 буюу 3.6 хувь цайны газаргүй байна. Төрийн бус өмчийн 90 сургуулийн 21 буюу 23.3 хувь нь зориулалтын, 62 буюу 68.8 хувь нь зориулалтын бус цайны газартай, 7 буюу 7.7 хувь нь цайны газаргүй байна.Тухайлбал, Хан-Уул дүүргийн 75, 15, 63, 7, 18, 26, 34, 41, 60, 114, 115, 118, 130, 135,  Арвист хангай, Орхон хасу, Оном, Шинэ өнөөдөр, Шинэ зуун билиг, Алтан босго,Чингэлтэй дүүргийн 17, 57, 39, 5, 117, 50,Сонгинохайрхан дүүргийн 107, 9, 42, 134, 129, 121, 74, 62, 124,Баянзүрх дүүргийн Баянзүрх, Амгалан, Шавь цогцолбор, 102, 53, 79, 85,Баянгол дүүргийн 28, 47, 51, 113, Гурван тамир, Жаргалан, Лидер, Номч, Номундалай, Оюуны нахиа, Сүхбаатар дүүргийн 1, 35, 45, 71, Спортын төв сургууль, Шинэ үе, Үй цай, Галакси, Хобби зэрэг сургууль зориулалтынбусцайны газартайбайна. Харин Баянгол дүүргийн 19, Сэтгэмж цогцолбор, Төгс билиг, Соёмбо, Баянзүрх дүүргийн 136, Сүхбаатар дүүргийн Кингс кидс, Ертөнц, Номын гялбаа, Хан-Уул дүүргийн 10, 59, Чингэлтэй дүүргийн Оюут сургууль цайны газаргүй байна.
"Үдийн цай" хөтөлбөр хэрэгжүүлэхдээ зөрчил гаргасан долоон аж ахуйн нэгжийн үйл ажиллагааг цуцлуулах саналыг Нийслэлийн өмчийн удирдлага ашиглалтын газарт хүргүүлжээ. Мөн энэхүү хөтөлбөрийг шаардлагын хэмжээнд зохион байгуулаагүй, хяналт тавьж ажиллаагүй 84, 107 дугаар сургуулийн удирдлагуудад арга хэмжээ авах саналыг Нийслэлийн боловсролын газарт хүргүүлжээ.скачать dle 12.0