БНХАУ-ын буцалтгүй тусламжаар Монголд хийсэн бүтээн байгуулалтыг өгүүлэх гэрэл зургийн цомог гарлаа

Монгол Улс БНХАУ-ын дипломат харилцаа тогтоосны 70 жилийн ой 2019 онд тохиож байна. Ойд зориулсан арга хэмжээг Монгол Улсын Гадаад харилцааны яам, БНХАУ-ын Элчин сайдын яамтай хамтран энэ оны турш зохион байгуулахаар төлөвлөсөн бөгөөд ойн арга хэмжээний нээлт Хятад судлаач Х.Баатархүүгийн эмхэтгэсэн “Бидний мэдэх хийгээд эс мэдэх Монгол Хятадын найрамдал” гэрэл зургийн цомог номын нээлтээр өнөөдөр эхэллээ.

Гадаад харилцааны яамны Зөвшилцөл танхимд болсон номын нээлтэд Шадар сайд Ө.Энхтүвшин, БНХАУ-аас Монгол Улсад суугаа Элчин сайд Шин Хаймин, Гадаад харилцааны дэд сайд Б.Батцэцэг, БСШУС-ын дэд сайд Г.Ганбаяр болон Монгол Улсаас урд хөршид сууж байсан үе үеийн Элчин сайдууд, хятад судлаачид, Монгол Хятадын иргэдийн төлөөлөл оролцсон юм. 


Монгол Улсын Шадар сайд Ө.Энхтүвшин




























Монгол Улсын Шадар сайд Ө.Энхтүвшин
Энэ арга хэмжээний эхэнд Шадар сайд Ө.Энхтүвшин, БНХАУ-Тай сайн хөршийн найрсаг харилцаа, харилццан ашигтай хамтын ажиллагааг хөгжүүлэх нь Монгол Улсын гадаад бодлогын тэргүүлэх чиглэл юм. хятадын Засгийн газраас хөрш орнууд ялангуяа Монгол Улстай харилцах харилцаанд онцгой ач холбогдол өгч, найрсаг дотно, чин сэтгэлээсээ нээлттэй, хүртээмжтэй хандаж, хамтын ажиллагааны үр ашгийг хуваалцах бодлого баримталж буй нь хоёр талын харилцааг илүү өргөн хүрээнд хөгжүүлэх боломжийг бүрдүүлж байна. Монголын талын хэрэгжүүлсэн “Хөгжлийн зам” хөтөлбөрийг “Бүс ба зам” санаачилгатай уялдуулж, хамтран ажиллах, мөн гурван улсын эдийн засгийн коридорын бүтээн байгуулалтын хүрээнд томоохон ажлуудыг эхлүүлэхэд хоёр талаас төлөвлөн ажиллаж байна.

Бүтэн жилийн туршид хамтран тэмдэглэх ойн үйл ажиллагаа баялаг олон талтай, төгөлдөр утга агуулгатай, хоёр улсын ард иргэдэд хүрсэн далайцтай, үр өгөөжтэй сайхан арга хэмжээнүүд болно гэдэгт итгэлтэй байна. Ойн хүрээнд хамтран зохион байгуулж буй “Бидний мэдэх эс мэдэх Монгол Хятадын найрамдал” цомог ном, гэрэл зургийн үзэсгэлэнгийн нээлт болж байгаад баяртай байна. Энэхүү цомог номд өнгөрсөн 70 жилийн хугацаанд БНХАУ-аас Монгол Улсад үзүүлсэн зээл тусламж, бүтээн байгуулсан барилга байгууламжийн мэдээллийг эмхэтгэн тусгасан байна. Монгол Улсын хөгжил цэцэглэлтэд манай найрсаг хөрш БНХАУ, Хятадын ард түмний оруулсан хувь нэмрийг бид энэ ном үзэсгэлэнгээс харж болно. Уул усаар холбогдсон, түүх соёлоор сүлжилдсэн манай хоёр улс хоёр ард түмний хооронд бүтэн жилийн туршид хамтран тэмдэглэж, дурсан ярилцах сайхан түүхүүд их байгаа. Цаашид байнга уулзаж, олон сайхан арга хэмжээ зохион байгуулахад Та бүхнийг ирж оролцож байхыг урьж байна гэв.

Шадар сайд Ө.Энхтүвшин үгээ хэлсний дараа 1950 оны есдүгээр сарын 5-ны өдөр нэрт соён гэгээрүүлэгч, Ардын уран зохиолч Ц.Дамдинсүрэнгийн БНХАУ байгуулагдсаны нэг жилийн ойд зориулсан ерөөлийг хятадаар орчуулуулан, Элчин сайд Шин Хайминд дурсгал болгон бэлэглэлээ.


БНХАУ-аас Монгол Улсад суугаа Элчин сайд Шин Хаймин






БНХАУ-аас Монгол Улсад суугаа Элчин сайд Шин Хаймин
БНХАУ-аас Монгол Улсад суугаа Элчин сайд Шин Хаймин, Хятад Монгол Улсын найрамдлын төлөө хичээл зүтгэл гарган ажилладаг бүх салбарын төлөөллүүд 2019 оны босгон дээр дипломат харилцаа тогтоосны 70 жилийн ойгоо хамтран угтаж байна. Энэ арга хэмжээг зохион байгуулахад дэмжлэг үзүүлсэн Монгол Улсын Засгийн газар, Гадаад харилцааны яам болон энд хүрэлцэн ирсэн бүх хүнд баярласан талархсанаа илэрхийлж байна. Хоёр улсын хамтын ажиллагаа түүхийн улбаатай. Хятад Монгол Улсын хилийн шугамын уртын хэмжээ 4710 км бол Хятад Оросын хилийн шугамын урт 4300 км. Хилийн шугамын урт бол хоёр орны иргэдийн найрамдалт харилцааны илэрхийлэл болно. Хятад улс Ши жин пин-ий шинэ эрин үеийн Хятадын онцлог, социализмын үзэл онолын Хятадын үндэсний их сэргэн мандалтын зорилтоо хэрэгжүүлэхээр зоригтой урагшилсаар байна.

Өөрчлөлтийн бодлого хэрэгжүүлсэн 40 жилд Хятад улс хөгжлийн замаар явж, хүн бүхэн харагдах хэмжээний бүтээн байгуулалтыг өрнүүлж, дэлхийн хөгжилд харагдах хэмжээнд чухал хувь нэмэр оруулж чадсан. Энэ явцад манай хоёр орны харилцаанд ихээхэн амжилт гарсан байна. 2014 онд БНХАУ-ын дарга Ши Жин Пин айлчлал хийж, хоёр улсын өндөр дээд түвшний харилцаа тогтмолжиж, улс төрийн харилцан итгэлцэл тасралтгүй бэхжиж, эдийн засгийн хамтын ажиллагаа өдрөөс өдөрт гүнзгийрч, хүмүүнлэгийн солилцоо улам бүрх идэвхжлээ.

Нэг бүс нэг зам санаачилга болон Хөгжлийн зам стратегийн уялдаа холбоог бэхжихийн зэрэгцээ хоёр улсын ард түмэнд бодит үр өгөөжийг хүртээсээр байх болно. энэ сайхан үйлсийг идэвхжүүлэхэд манай ЭСЯ идэвхтэй ажиллаж, хөрөнгө оруулалтыг нэмэгдүүлэх чиглэлээр санаачилга гарган ажиллах зорилт тавьснаа ноён Элчин сайд онцлов. Тэрбээр Монголын ард түмэн амар тайван, Монгол Улс цэцэглэн хөгжиж, адуу мал нь улам олон болох болтугай гэсэн ерөөлөөр үгээ өндөрлөв. 


Хятад судлаач Х.Баатархүү








Хятад судлаач Х.Баатархүү
“Бидний мэдэх хийгээд эс мэдэх Монгол Хятадын найрамдал” номонд Улаанбаатар хот болон аймгуудад Хятадын буцалтгүй тусламжаар бүтээн байгуулсан 369 нэгж байгууллагын 520 орчим зураг орсон. Судлаачид 1000 орчим обьект барьсан гэдэг ч одоогийн байдлаар 860 орчим обьект байга хэмээн уг номыг зохиогч, судлаач Х.Баатархүү танилцуулав.

Шинэ номынхоо талаар тэрбээр, Миний эмхэтгэн найруулсан бидний мэдэх хийгээд эс мэдэх Монгол Хятадын найрамдал нэртэй гэр зургийн цомог ном гарч байна. Энэ номын агуулга нь 1955-1965 оны хооронд Хятад улсын тусламжаар Монгол Улсад өрнөсөн нийт бүтээн байгуулалтыг альбом хэлбэрээр оруулсан. Монгол Улсын хуучнаар 18 аймагт бүтээн байгуулалтын ажил өрнөж, 10 жилийн хугацаанд давхардсан тоогоор 26 мянган хятад ажилчин, ар гэрийн 6000 хүн ирж ажилласан. Монгол Улсын их барилгажилт, дэд бүтэц, бүтээн байгуулалтын үйл явцыг 10 жилийн хугацааны өрнөлийг аль болох товч, фото альбом хэлбэрт оруулан уншигчид, хятад судлаачид, хоёр орны найрамдал нөхөрлөлийн талаар санаа зовж явдаг хүмүүсийн хүртээл болгож байна. Энэ номыг бүтээх дөрөв орчим сарын хугацаанд Монголын ихэнх аймаг, суманд очиж материал авсан. Материалын олдоц харьцангуй тааруу байсан. Нэлээд хувийг хувь хүн болон архиваас олсон. Улаанбаатар хотын өнгө төрхийг өөрчлөхөд тухайн үеийн хятад ажилчид тодорхой хэмжээний хувь нэмэр оруулсныг энэ номноос харах боломжтой.

Энэ арван жилд Хятадын ажилчид 40, 50 мянгатын орон сууцууд, Улаанбаатар хотын захиргаа, Дуурь, драмын театр, хэд хэдэн сургууль гэх мэт 1.2 сая ам.метр барилга байгууламж барьжээ. Үүнээс 345.5 ам.метр талбай бүхий орон сууцны барилга барьсан байна. Мөн авто зам, гүүр, инженерйн шугам сүлжээ зэрэг дэд бүтцийн томоохон бүтээн байгуулалтын ажил өрнүүлснийг энэхүү гэрэл зургийн цомгоос харж болно. Тухайлбал,
Улаанбаатар хотын нэрийн хуудас болсон 400 метр урт, 12 метр өргөнтэй Энхтайваны гүүрийн зураг төслийг Бээжин хотын Замын зураг төслийн хүрээлэнд гаргаж, 1958 онд барьж ашиглалтад оруулжээ.   скачать dle 12.0