Д.Трампын ялалт ба үл үзэгдэх шуурга

Д.Трамп Ерөнхийлөгч
Ситком ертөнцөд Д.Трамп яг хэзээ ерөнхийлөгч болсныг хэлэхэд хэцүү. Анх 2000 онд өрнөдөг “Ирээдүй рүү Барт” кинонд Барт 2030 он хүртэл аялдаг. Түүний эгч Лиза ерөнхийлөгч болж, Д.Трампын ерөнхийлөгч байхад үүссэн санхүүгийн томоохон асуудлыг шийдэх гээд ажиллаж байгаа талаар ярьдаг.
Магадгүй бид 2016 онд сонгогдсон ерөнхийлөгчийн бүрэн эрхийн тухай ярьж байгаа байх. Энэ нь Д.Трампын дараа Лиза ерөнхийлөгч болсон үе байх. Тэгвэл энэ нь Д.Трамп 2026 онд тангараг өргөж, 2025 онд сонгогдсон гэсэн үг. АНУ-ын ерөнхийлөгчийн сонгууль 2024 онд болж байгаа бөгөөд бид үнэхээр Дональд Трампыг хоёр дахь удаагаа ерөнхийлөгчөөр сонгох хувь тавилантай байсан байж магадгүй юм.
 
Хүүхдийн хэлний орчуулагч
Ситкомын гурав дахь улирлын хорин дөрөв дэх ангид дүрүүд нь хүүхдийн хэлийг тайлахад туслах хэрэгсэл ашигладаг. Энэ төхөөрөмж нь мэдээж хэрэг ашигтай юм шиг санагдана. Ихэвчлэн эцэг эхчүүд бага насны хүүхдүүд яагаад уйлж, юу хэлэх гээд байгааг ойлгодоггүй. Гэтэл 2024 онд ийм бүтээн байгуулалтыг дэлхийн өнцөг булан бүрт байгаа хэрэглэгчид ашиглах боломжтой болсон. Maxi-Cosi компани уйлахыг “орчуулах” хиймэл оюун ухаан ашигладаг CryAssist технологийн хувьсгалт Pro 360° хүүхдийн дэлгэцийг худалдаанд гаргалаа. Энэ нь эцэг эхчүүдэд хүүхэд өвдөж байгаа эсэх, унтах эсвэл идэхийг хүсч байгаа эсэхийг ойлгоход тусалдаг ажээ.
 
Нисдэг машинууд
Ситкомын арван зургаа дахь улирлын арван тав дахь ангид дүрүүд хүмүүс гайхалтай нисдэг машин ашигладаг ирээдүйг хардаг. Гэтэл энэ бүтээн байгуулалт 2024 онд хүмүүст боломжтой болсон.
Саяхан EHang брэндийн хятад нисдэг машин-дронуудыг энгийн зах зээл дээрээс худалдаж авах боломжтой болжээ. Хоёр зорчигчид зориулагдсан энэхүү нисгэгчгүй агаарын машин 130 км/цаг хүртэл хурдлах чадвартай.
 
Үл үзэгдэх шуурга
Төслийн дараагийн ангид Гомер бүхэл бүтэн гэр бүлд зориулж бункер бэлддэг. Баатрууд гайхалтай хэмжээний сүйрэлтэй тулгарна. Бид цөмийн зэвсгийн тухай биш, харин сансар огторгуйн аюулын тухай ярьж байна. Цуврал дахь энэхүү байгалийн гамшгийг “үл үзэгдэх шуурга” гэж нэрлэдэг  бөгөөд энэ нь дэлхий дээрх бүх системийг бүрэн сүйрүүлэхэд хүргэдэг.
Таамаглал аль хэдийн биелж эхэлсэн. Энэ жил нарны хүчтэй шуурга бүртгэгдэж, урьд нь ихэвчлэн харагддаггүй газар туйлын туяа үзэгдэх болсон. 2024 он дуусахаас өмнө өөр юу үзэхийг хэн мэдэх билээ?
 
Симпсоны таамаглалын нууц юу вэ?
Таамаглалыг тийм нухацтай авч үзэх хэрэггүй. Одоо бидэнд танил болсон олон технологиуд тэр үед аль хэдийн хөгжиж байсан тул цувралын зохиогчид ойрын ирээдүйн шинж чанаруудыг харуулсан.
Симпсоны зарим таамаглал хуурамч гэдгийг бид мартаж болохгүй. Нотр Дам цувралд шатаагүй, Пикачу байгаагүй, коронавирусын талаар хэзээ ч дурдаагүй. Эдгээр бүх яриаг интернет хэрэглэгчид тараасан байна.
Бидний амьдрал мөчлөгтэй, заримдаа бүр урьдчилан таамаглах боломжтой гэдгийг санаарай. “Симпсонууд” бол хүн төрөлхтнийг гаднаас нь харж, өөрийгөө шоолох сайхан боломж юм.
Эх сурвалж: “Зууны мэдээ” сонинскачать dle 12.0