“Дижитал аймаг”-уудыг бий болгосноор төрийн үйлчилгээ иргэн бүрд хүрнэ

Нийслэлд шилжин ирсэн иргэдийн 13 хувь нь орон нутагтаа буцаж очих сонирхолтой байна. Улаанбаатар хотын уугуул оршин суугчдаас ч мөн аймаг, хөдөөд орон нутагт очиж ажиллаж амьдрах хүсэлтэй байна. Энэ бүхний үндсэн шалтгаан нь хөдөлмөр эрхлэлттэй холбоотой, цалин орлогоо нэмэгдүүлэх, амьдралын нөхцөл байдлаа сайжруулахад оршиж байна. Энэ талаарЗасгийн газрын Хэрэг эрхлэх газрын дарга Д.Амарбаясгаланөнөөдөр Соёлын төв өргөөнд болж буй “Хөдөөгийн сэргэлт” Үндэсний чуулганы нээлт дээр хэллээ.



Судалгаагаар хөдөө орон нутагт шилжин суух иргэдийн 44 хувь төрсөн нутагтаа, 27 хувь өөр газарт очиж суурьшихаа илэрхийлжээ. Тиймээс орон нутагт ажлын байр бий болгон нэмэгдүүлж, ажиллаж амьдрах боломж бололцоог сайжруулсан нөхцөлд 50-100 мянган иргэн эхний ээлжинд орон нутагт шилжин суурьших боломжтой байгааг тэрбээр онцоллоо.
Тэрбээр, төр, засгаас орон нутгийг хөгжүүлэх хүрээнд нэн тэргүүнд иргэдийн хэрэгцээ шаардлагыг хангах талаар санаачлага гарган арга хэмжээг авч, орон нутгийн удирдлагууд түүнийг бодит ажил хэрэг болгож, шилжин ирж буй хувийн хэвшлийнхэн болон иргэдийг бүх талаар дэмжин тэнд ажиллаж, амьдрах боломжоор хангахад онцгой анхаарахыг хүслээ.




Тиймээс өнөөдрийнчуулганыгЗасгийн газраас дэвшүүлсэн“Шинэ сэргэлтийн бодлого”-ын хүрээнд зохион байгуулж,хөдөөгийн хөгжлийг эрчимжүүлж, Засгийн газраас хэрэгжүүлж буй бодлого, шийдвэр, үзүүлж буй дэмжлэг, бусад туслалцааг иргэдэд танилцуулах зорилгоор зохион байгуулж байнагэв.Чуулганд оролцогсдын санал, байр суурь, үгийг хүргэж байна.



Ховд аймгийн Засаг дарга Э.Болормаахэлэхдээ, тус аймагт баруун бүсийн хамгийн том цементийн үйлдвэр ашиглалтад орсноор 103 ажлын байр одоогоор нээлттэй зарлагдаад байгааг дуулгаад, Хөрөнгө оруулалтын чуулганыг аймагтаа дахин зохион байгуулж хөрөнгө оруулагч нар болон бизнес эрхлэгчдийг урьж байгаа. Тэд бол төрөөс илүү ажлын байр бий болгодог гэдгийг онцолж хэллээ. “Бид бусад аймаг, нийслэлээс ажиллах хүч авахаас гадна МСҮТ болон политехникийн коллежтойгоо хамтраад залуучуудыг сургаж, хүний нөөцөө орон нутагтаа бүрдүүлэх дээр ажиллаж байна” гэв.

Орон нутагт шилжих иргэдийн 44 хувь төрсөн нутагтаа, 27 хувь өөр газарт очиж суурьшихаа илэрхийлжээ.

Дорноговь аймгийн Засаг даргын Тамгын газрын Нийгмийн бодлогын хэлтсийн ахлах мэргэжилтэн М.Нандинцэцэг, манай аймагт шилжин суурьшихаар ирж буй иргэдэд зориулсан “Түрээсийн орон сууц хөтөлбөр”-ийг хэрэгжүүлж байна. Тэдэнд зориулан энэ оны газар төлөвлөлтөд орсон газрын 20 хувийг олгож байна. Мөн шинээр байгуулагдаж буй болон Дорноговь аймагт үйл ажиллагаа явуулах ААН-үүдэд дэд бүтцэд холбогдсон газрыг олгохоор газар зохион байгуулалтын төлөвлөгөөндөө оруулсан гэв. 

Дорноговь аймагт боловсрол, эрүүл мэндийн салбарт 250 ажлын байр дутагдалтай байна. Тиймээс шинэ сургууль нээх, орон сууц барих зэргээр дутуу байгаа ажлын байранд иргэдийг татаж авахыг зорьжээ.

Аймгийн хэмжээнд энэ онд 12.4 мянган ажлын байр гарахаар төлөвлөжээ. Газрын тос боловсруулах үйлдвэрийн дэд бүтцийн ажил явагдаж 500 ажлын байр бий болж буй тул тусдаа 500 айлын орон сууц барьж байна. Харин аймгийн хувьд Ханги чиглэлийн төмөр зам ашиглалтад орсонтой холбоотойгоор “Говийн төмөр замчин” хөтөлбөр хэрэгжүүлж эхэлжээ.
Уг хөтөлбөрийн хүрээнд төмөр замын мэргэжлээр шинээр анги нээж энэ оны 9 дүгээр сараас орон нутагт сургаж эхлэх талаар танилцууллаа. Тус аймагт төрийн албанд 3 жил тогтвор суурьшилтай ажиллавал 3 сая төгрөг, 5 жил ажиллах юм бол 5 сая төгрөгийг орон нутгийн төсвөөс шийдэн олгож эхэлжээ.



Цахим хөгжил, харилцаа холбооны сайд Н.Учрал,хөдөө орон нутгийн иргэдийг цахим системд хамруулж хүртээмжтэй болгох үүднээс “Дижитал цахим аймаг” гэсэн үйл ажиллагааг эхлүүлээд байна. Засгийн газар, манай яам аймгууд ийм болгоход юу хэрэгтэй байгааг нь шаардлагаар тавиад үнэлэн тогтоож өгч байгаа. Тухайлбал, төрийн болон нийтийн мэдээллийн хуулиудын дагуу 68 мэдээлэл ил тод байх эхний шаардлагыг хангах, мэдээлэл солилцох Үндэсний дата төвөөр дамжуулан төрийн мэдээллийн үндсэн системтэй уялдуулах зэрэг шаардлагыг тавьж байгаа.
Мөн “Нэг цэгийн үйлчилгээ”-ний тусламжтайгаар аймаг, орон нутагт анхан шатанд төрийн үйчилгээг ойртуулж амьдралд, иргэн бүрд хүртээмжтэй болгох бүрэн боломж байна. Үүнийг аймгууд дор бүрнээ сайн ашиглах хэрэгтэй байна гэв. Тэрбээр, Увс аймагт аймгийн бүх мэдээллийг багтаасан “Увс дижитал” гэсэн гар утасны апплейкешн гарган цахим хөгжлийн сайн шийдлийг туршиж буй жишээг дурдсан юм.



“Хөдөөгийн сэргэлт” Үндэсний чуулган үдээс хойш “Бүсийн хөгжил -хамтын ажиллагаа”, “Шилжилт хөдөлгөөн ба залуусын манлайлал”, TEDx - Улаанбаатар”,“FUCKUP NIGHT”зэрэг үйл ажиллагаа, хэлэлцүүлгээр үргэлжилжбайна.
Чуулганаар шилжилт хөдөлгөөний талаар мэдээлэл өгөх, бүсчилсэн хөгжлийн үзэл баримтлалыг танилцуулах, бүс нутгийн хөгжил, хамтын ажиллагааг сайжруулах талаар санал солилцож байна. Мөнорон нутаг дахь хүний эрхийн асуудлыг хөндөн, шилжих хөдөлгөөнд залуучуудын оролцоог хангах, иргэдийн санал бодлыг сонсонтөр, иргэн, хувийн хэвшилтэй хамтран хэлэлцэж байна.
Чуулганыг Засгийн газрын Хэрэг эрхлэх газар, НҮБ-ын Шилжилтийн хөдөлгөөний байгууллага, Швейцарын Хөгжлийн агентлаг, МХАҮТ,“Жайка Монгол” байгууллага, МЗХ-ноос хамтран зохион байгуулж байна.


“Хөдөөгийн сэргэлт” Үндэсний чуулганы хүрээнд аймаг, хотууд өөрсдийн онцлогийг харуулсан үзэсгэлэнг дэлгэн танилцууллаа. 

Гэрэл зургуудыг Б.Чадраабалскачать dle 12.0