1,600 орчим алба хаагч болон зочид, нисдэг тэрэг, нохойтой парад

Монгол Улсын Засгийн газрын 2004 оны нэгдүгээр тогтоолоор Гал түймэртэй тэмцэх газар, Улсын иргэний хамгаалалтын газар, Улсын нөөцийн газруудыг нэгтгэж Онцгой байдлын албыг байгуулснаас хойш өдгөө 20 жилийн ойтойгоо золгож байна.
Үндэсний аюулгүй байдал, ард түмний амар амгалан амьдралын баталгаа болсон Онцгой байдлын байгууллагын ойд зориулсан цэргийн ёслол, хүндэтгэлийн жагсаал өнөөдөр Сүхбаатарын талбайд боллоо.
Ёслолын жагсаалд Онцгой байдлын байгууллага болон төрийн цэргийн байгууллагуудын нийт 1,600 орчим алба хаагч, тусгай албаны техник, Агаараас эрэн хайх, аврах 111 дүгээр ангийн алба хаагчид нисдэг тэрэгтэйгээр оролцов.
Уг арга хэмжээнд Монголын төр, засгийн удирдлагууд, гадаад улсын дипломат төлөөлөгчийн газар, ЭСЯ-ны төлөөллүүд, улсын аварга Г.Эрхэмбаяр, П.Бүрэнтөгс нарын олон зочин уригдсан байна.
Ерөнхийлөгчийн зарлигаар Онцгой Байдлын Ерөнхий Газрыг өнөөдөр Сүхбаатарын одонгоор шагнажээ.скачать dle 12.0