Евро-2024 тэмцээний эргэн тойрон дахь онцлох үйл явдлууд

Германд Европын АШТ ид дундаа үргэлжилж байна. Хөгшин тивийн шилдэг найман баг тодорч, үзэгчид, хөгжөөн дэмжигчдийн анхаарал цэнхэр дэлгэцэд ханджээ. Ингээд Евро-2024 тэмцээний эргэн тойронд болж байгаа сонин хачнаас танилцуулъя.  
Германы баг гэргий нараа тусгаарлалаа


Германы шигшээ багийн ахлах дасгалжуулагч Юлиан Нагельсман Евро-2024 тэмцээн дуустал тамирчдаа эхнэр, гэр бүлтэй нь уулзуулахгүй гэдгээ мэдэгдлээ. Тэмцээн эхлэх үед тоглогчдын найз бүсгүй, гэргий нар шигшээ багийн байрлаж байгаа буудал, байранд орж болж байсан билээ. Гэвч гэр бүлийн гишүүд ирэх нь тамирчдын анхаарлыг сааруулж, бэлтгэлд саад болно гэж Нагельсман үзжээ. 
Румыны шигшээ япончууд шиг цэвэрлэжээ


Хөлбөмбөгийн ДАШТ, тивийн аваргын тэмцээнд оролцсон Японы шигшээ баг хувцас солих өрөөгөө цэвэрлэж, япон үзэгчид цэнгэлдэх хүрээлэнгийн хогийг түүж хаяж байгааг бид олон удаа харсан. Энэ удаагийн Европын АШТ-д Румыны шигшээ баг маш сайн оролцсон, ялагдаад гэртээ харихдаа ч нүүр бардам байсан билээ. Тэмцээний шөвгийн наймын тулаанд Нидерландын багт ялагдсан тэд гомдол тавьж, шүүгчдийг муулсангүй. Хувцас солих өрөөгөө угааж цэвэрлээд, Евро-2024 тэмцээнийг сайхан зохион байгуулсанд нь Герман улсад талархсан захидал үлдээгээд харьжээ. Захидалд “Евро-2024 манай улсын хувьд маш чухал үйл явдал байлаа. Энэ тэмцээн Германд болсонд бид их баяртай байна. Бид үүргээ биелүүлсэн, нүүр бардам буцаж байна. Манай баг Румыны төлөө бүхнээ зориулсан” гэж бичсэн байлаа.
Роналду юунд уйлав?


Криштиану Роналдугийн нулимс энэ удаагийн Евро тэмцээний хамгийн сэтгэл хөдөлгөсөн үйл явдал болоод байна. Бүтэн хоёр үед Словений хаалганд гоол хийх гэж оролдсон Португалын шигшээ багт пенальти цохих боломж гарсан. Мэдээж Роналду гарч ирсэн. Хэрэв гоол оруулсан бол тэр сүүлийн 6 том тэмцээнд гоол оруулсан цорын ганц тоглогч болох Шакириг гүйцэх байлаа. Харамсалтай нь түүний цохилтыг хаалгач хааж чадсан. Ингээд л Роналду уйлж, Португалын шигшээ багийнхан тэр чигээрээ аргадаж, тайвшруулах гэж оролдсон билээ. Рекорд амжилт тогтоохыг хэт хүссэн хэмээн түүнийг зарим нь шүүмжилж байгаа бол нэг хэсэг нь өрөвдөж, даган уйлж, ямар ч гэсэн дэлхий дахиныг тэр чигээр нь огшоож орхилоо, Роналду. Тоглолтын дараах 11 метрийн цохилтоор Португал ялсан тул Роналдуд рекорд тогтоох боломж байсаар байна. Тэд дараагийн шатанд Францын багтай тоглох юм. 
UEFA 1,3 сая еврогоор баяжаад байна
Европын АШТ эхлээд удаагүй байгаа ч Европын хөлбөмбөгийн холбоо УЕФА зөвхөн торгуулиас гэхэд 1,3 сая еврогийн орлого олоод байна. Туркийн багийн хамгаалагч Мерих Демирал гоолын баяраа шндэсний үзэлтэн бүлэглэлийн мэндчилгээгээр тэмдэглэсэн нь одоогийн байдлаар хамгийн том шуугиан байлаа. Хэсгийн 36 тоглолтын 33-д нь ямар нэг зөрчил гарч, торгууль оноосон. Улс төрийн үг лоозон хашгарах, янз бүрийн зурагт хуудас гаргах, талбайд юм шидэх зэрэг зөрчил болгонд холбоо нь торгуулдаг. Торгууль 100 еврогоос 10 сая евро хүртэл бөгөөд хэмжээг УЕФА-гийн Сахилга батын хороо тогтоодог. 

Одоогийн байдлаар Хорватын шигшээ 220875 евро, Албанийн баг 171375, Сербийн баг 166625 еврогоор торгуулийн жагсаалтыг тэргүүлж байгаа бол Франц, Словак, Испанийн шигшээ нэг ч еврогийн торгуульгүй явж байна. Германы хөлбөмбөгийн холбоо Португалын тоглолтын аюулгүй байдлыг хангаж чадаагүй, Роналдутай зураг авхуулахаар фэнүүд талбайд гарч ирсэн хэргээр 20 мянган еврогоор шийтгүүлсэн байна. 
"Евро 2024"-н үзэгчдэд зориулсан М банкны чаллэнж

“Евро 2024” тэмцээний шууд дамжуулалтын ерөнхий ивээн тэтгэгчээр М банк ажиллаж байгааг бид сайн мэднэ. М банк тоглолтыг шууд дамжуулаад зогсохгүй, үзэгч та бүхнийг тэмцээний нэгэн оролцогч мэт байх боломжийг олгож байна. Өөрөөр хэлбэл та бүхэн хөлбөмбөг үзэхээс гадна тааварт оролцож, тусгай шагнал авах боломжтой. 
Тоглолт бүрээс 15 минутын өмнө тоглолттой холбоотой таавруудад ганцаараа эсвэл багаараа оролцоод Surron, Iphone 15 pro-128GB, Playstation 5, BTF - ₮1,000,000 эрх, ₮500,000 хадгаламжийн эрх гэх мэт 70 гаруй супер шагналын эзэн болоорой. 
Ингээд та бүхнийг М банкны тааварт оролцохыг урьж байна. скачать dle 12.0