УДБЭТ-ын үе үеийн концертмейстерүүдийн хамтарсан “Piano Fest” тоглолт энэ сард болно

“Алтангадас” одонт УДБЭТ-ын  уран бүтээл болон уран бүтээлчдийн амжилтын ард байдаг хамгийн чухал уран бүтээлчид болох концертмейстер багш нар хамтран “Piano Fest” тоглолтоо хийх гэж байна. 
Тоглолт нэгдүгээр сарын 27-ны өдөр 17:00 цагт УДБЭТ-ын тайзнаа болно. 
Тоглолтод концертмейстер

• МУГЖ Л.Халиунсүрэн,
• МУСТА О.Сарантуяа,
• МУСТА Ц.Мягмарцэрэн,
• МУГЖ Б.Солонго,
• Б.Ундрам,
• Э.Намуун,
• МУК-ийн оюутан Ү.Уртнасан,
• балетын концертмейстер МУСТА Т.Гэрэлцэцэг нар оролцохоос гадна
• УДБЭТ-ын гоцлол дуучин МУГЖ С.Мөнгөнцэцэг,
• МУГЖ Ө.Уянга,
• МУГЖ Б.Эрдэнэтуяа,
• МУГЖ Р.Доржхорол,
• МУСТА М.Дариймаа,
• МУСТА Ш.Наранчимэг,
• МУСТА О.Хүрэлбаатар,
• МУСТА Б.Гомбо-Очир,
• МУСТА Э.Бумхүү,
• Л.Болдцэрэн,
• Э.Отгонбат,
• Балетын гоцлооч МУГЖ Г.Цолмон,
• МУСТА Х.Өлзий-Орших,
• Морин хийлч Д.Амармэнд,
• Флейт хөгжимчин Т.Оргилцэцэг,
• Морин хуур чуулгын хөгжимчин морин хуурч Н.Жижигдорж нар оролцоно.  

Монголын сонгодог урлагийн уран бүтээлчид дэлхийн түвшинд хүрч үнэлэгдэхэд, тэдний бэлтгэл сургуулилтыг хамтран хийж ажилладаг хүмүүс бол тэр бүр нэр нь дурдагдаад байдаггүй концертмейстерүүд юм. Тэд бол уралдаан тэмцээнд оролцох  уран бүтээлчдийн амжилтын тулгуур багана нь хэмээн нэрлэж болно.
Соёл урлагийн салбарын төдийгүй дэлхийн  нэртэй уралдаан тэмцээнд амжилттай оролцож, тэргүүн болон дэд байруудыг эзлэхэд  үргэлж хамт байж, өөрийн сэтгэл оюун, мэргэжлийн ур чадвараараа шавь нартаа мэргэжлийн шилдэг үзүүлбэрийг бэлэглэж байдаг хүн бол  концертмейстер юм. Тэдний  сонгодог урлагийн алдар цуутай шавь нарыг дурдаад баршгүй. 
Концертмейстер нь гоцлоочдын бүхий л хэлбэрт хамгийн ойрын туслах бөгөөд, аливаа гоцлоочдод тусалж, бүхэл бүтэн найрал хөгжмийг төсөөлөх чадварыг  эзэмшсэн хөгжимчин тоглогчид билээ. УДБЭТ-ын өнөөдрийн амжилт уран бүтээлийг бий болгоход үе үеийн концертмейстерүүдийн үүрэг маш чухал байсан. Бид энэ удаад тэдний ур чадвар амжилтыг сонгодог урлагийн үзэгчдэдээ таниулахыг зорьсон билээ. 
Үе  үеийн концертмейстрүүдийн тухай товч дурдвал: анх “Бөмбөгөр ногоон театр” байх үеэс буюу 1944 оноос Ида Павловна Бадавжав ажиллаж байсан бөгөөд тэрээр  тэр үеийн дуугүй киноны ард хөгжимддөг, мөн “Учиртай гурван толгой” дуурийн хэсгийг тоглож байсан аж. Мөн Прага хотноо зохион байгуулагдсан Дэлхийн залуучууд, оюутны 4-р фестивальд АЖ Ц.Пүрэвдоржийг бэлтгэж байсан түүхтэй. Ийнхүү 1950 оноос эхлэн ЗХУ-ийн эрдэмтэн багш нар уригдан ирж  ажиллаж байжээ.
1970-аад оноос Н.Жамсран, Шагдарсүрэн, Ж.Пүрэвдаваа, З.Эрдэнэбилэг гэх мэт 1976 оноос эхлэн МУГЖ Л.Халиунсүрэн, МУСТА  О.Сарантуяа, 1990 оноос  өнөөдрийг хүртэл МУГЖ Б.Солонго, Ц.Мягмарсүрэн, Д.Маралгуа, Б.Ундрам, Б.Алуунгоо, Э.Намуун, С.Номин, Ү.Уртнасан балетын концертмейстер Т.Гэрэлцэцэг, Мөнгөнчимэг, Б.Оюунгэрэл, Б.Энхтунгалаг нарыг дурдаж болно.скачать dle 12.0