Б.Энх-Амгалан: "Тэнгэрийн тойрог" төслийн хүрээнд төлбөртэй гүүрэн зам барихаар боллоо

Засгийн газрын хуралдаанаас гаргасан шийдвэрийн талаар Зам, тээврийн хөгжлийн сайд Б.Энх-Амгалан мэдээлэл хийж байна. 

ШУУД ҮЗЭХ: 

ЗТХ-ийн сайд Б.Энх-Амгалан:

 Засгийн газрын өнөөдрийн хуралдаанаар хоёр том асуудлыг хэлэлцэн шийдлээ  Улаанбаатар хотод Монгол Улсын хүн амын 50 хувь нь оршин сууж байна. Тиймээс ч Улаанбаатар хотын асуудал их бий. Нийслэлийн түгжрэлийг шийдэх дараах ажлуудыг эхлүүлэхээр боллоо. 
Монгол Улсын Үндэсний хөгжлийн газрын “Тэнгэрийн тойрон” төслийн хүрээнд нийслэлийн А бүсэд зам барих асуудлыг шийдлээ. Тэнгэрийн тойрог зам нь 6-12 м өндөрт 13 км урттай, хоёр урсгал, дөрвөн эгнээтэй, төлбөртэй, 27 орох, гарах цэгтэй байх юм. 
Уг гүүрэн замын дагуу нийтийн тээврийн шугамыг давхар ашиглах бололцоотой. Төслийн нийт хөрөнгө оруулалт 800 сая ам.доллар. Нэг тээврийн хэрэгслээс нэг ам.доллар буюу км тутамд 15 центийн хураамж авч зургаан жилийн дотор зээл болон зээлийн хүүгээ нөхнө гэсэн тооцоо гарсан байна. 
Энэ зам нь Сансарын аюулгүйн тойрог - Зүүн дөрвөн зам – Нарантуул – Дүнжингарав – Үндэсний цэцэрлэгт хүрээлэн - Хан-Уул дүүрэг - Нарны гүүр - Баруун дөрвөн зам - Гэсэр сүм – 100 айл гэсэн тойргоор холбогдоно. ШУУД ҮЗЭХ: 


Замын нэг онцлог нь Засгийн газар болоод орон нутгийн төсвөөс хөрөнгө авахгүй. 25 жилийн хугацаатай концессоор хийгдэнэ. 
Энэ төсөл хэрэгжсэнээр Улаанбаатар хот бүтэн нэг тойрог замтай болно. Энэ бол авто замын төсөл. 
Хоёр дахь төсөл нь дэлхийн олон оронд ашиглагддаг дүүжин тээврийн төсөл. Ийм төсөл өмнө нь манайд хэрэгжиж байгаагүй. Уг дүүжин зам нь Монгол Улс болон Олон улсын ассоциац хоорондын санхүүжилтийн хэлэлцээрээр соёрхон батлагдсан зээлийн хүрээнд хийгдэхээр болсон. Нийтдээ 40 жилийн хугацаатай, 60.7 сая еврогийн өртөгтэй бөгөөд жилийн нэг 0.076 хувийн хүүтэй нэн хөнгөлөлттэй нөхцөлөөр 12 жил зээлийн үндсэн төлбөрөөс чөлөөлөгдөх зээл юм. 
Дүүжин замын мартрут нь Баянхошууны уулзвар – Ханын материал – 3, 4 дүгээр хорооллын эцэс хүртэл нийтдээ 4 .9 км зам байх юм. Энэ замаар өдөрт 22 мянган зорчигч тээвэрлэгдэнэ. Хугацаа 16 минут, буудал хооронд 1.6-6 км байхаар төлөвлөгдөж байна.  
Уг зам нь нийтийн тээврийн үйлчилгээнд шинэ төрлийг бий болгоно. 
Улаанбаатарт газрын асуудал хүнд болсон учраас энэ хоёр зам хоёулаа өндөрт баригдана. Цамхагын өндөр 22-110 м, хоорондын зай нь 250-700 м, зогсоол хоорондын зай 2-6 км бөгөөд нэг кабенд 8-10 зорчигч тээвэрлэнэ. скачать dle 12.0