ХЭВЛЭЛИЙН ХУРАЛ: "Холливүүд Монголд" фестивалийн эхний зочин хүрэлцэн ирлээ

"Холливүүд Монголд" Олон улсын кино уран бүтээлчдийн анхдугаар фестивалийн талаар мэдээлэл хийлээ. 

"Холливүүд Монголд" олон улсын кино уран бүтээлчдийн анхдугаар наадам тавдугаар сарын 1-7-ны өдрүүдэд Улаанбаатар хотноо болно. Өнөөдөр тус наадамд оролцох эхний зочин болох Оскарын шагнал хүртсэн, оны шилдэг "Рома" киноны Креатив продюсер Брайс Нильсен Монголд ирээд байна.

 

Өнөөдөр болон маргааш үлдсэн 15 зочин ар араасаа ирнэ. Тавдугаар сарын 1-ний өдөр төлөвлөсөн үйл ажиллагаануудаа хийж эхлэхэд бэлэн болоод байна" гэлээ.

"Сэтгэгдэл өндөр байна. Монгол хатдын хувцастай гурван бүсгүй  намайг тоссон нь гайхалтай байлаа. Анх удаа ааруул амсаж үзлээ. Маш сайхан байсан. Хотын төв рүү явж байхдаа түгжрэл харсан. Хотын сайхан талбайг явлаа. Дараа дараагийн өдрүүдэд оролцох арга хэмжээнүүдэд би кино салбарт хуримтлуулсан туршлагаасаа хуваалцах болно" гэлээ.

""Холливүүд Монголд" анхдугаар наадмын ажлын гүйцэтгэл хамтран зүтгэгчдийн хамтаар өндөр гүйцэтгэлтэй явж байна. Энэ үйл ажиллагааг санаачилсан, зохион байгуулсан, дэмжин ажиллаж байгаа бүх хүнд баярлалаа" гэлээ. 

"Монголд анх удаа Холливүүдийн алдартай хүмүүс хүрэлцэн ирж манай зочид буудалд буудаллаж байгаад баяртай байна. Монгол Улсад кино урлаг үүсэж хөгжөөд 80 гаруй жил болж байна. Энэ фестивалийг зохион байгуулж байгаа нь Монголын кино урлагийг нэг шат ахиулсан түүхэн үйл явдал болж байна гэж бодож байна. Манай зочид буудал таван одтой Америкийн сүлжээ зочид буудал. Бид зочдоо тав тухтай байлгаж, сайхан хоол ундаар үйлчилж,  бүх талаар сэтгэл хангалуун байлгах болно" гэлээ.

"Манай компани 2011 оноос хойш Монголын кино уран бүтээлийг гадаадын зах зээлд борлуулах, фестивальд оролцуулах монгол жүжигчдийг гадаадын уран бүтээлд тоглуулах зэрэг ажлууд хийж байсан. Гадаадын зах зээлд кино борлуулахад хууль эрх зүйн орчин хамгийн чухал асуудал байдаг.

Олон улсын кино дистрибютерийн холбоо FDA-д манай компани элссэн юм. Энэ холбооны ерөнхийлөгч Лойд Кауфманыг эхнэртэй нь хамт урьсан. Эхнэр Свинни нь Нью-Йоркийн хөрөнгө оруулалтын чиглэлээр ажилладаг. Хөрөнгө оруулалтын улсын байгууллагад 8 жил ажилласан хугацаандаа 15 төслөөр 420 сая ам.долларын хөрөнгө оруулалтыг татсан туршлагатай. Эдгээр хүмүүс Монголын кино уран бүтээлийг гадаадын зах зээлд борлуулахад хууль эрх зүйн тал дээр хэрхэн ажиллах, хэрхэн анхаарах чиглэлээр семинар явуулах болно.

Мөн олон улсын фестивалийн мэргэжлийн шүүгч Карло Антонио Жентил ирнэ. Тэрбээр Канн, Венец, Монте Карло зэрэг кино фестивальд шүүгчээр ажиллаж байсан, 35 жилийн туршлагатай хүн юм. Эдгээр хүмүүс "Холливүүд Монголд" арга хэмжээнд оролцсоноор Монголын уран бүтээлчид ихээхэн мэдээлэл авах болно гэж бодож байна" гэлээ.“Хануй Филм” НҮТББ-аас санаачлан “Холливуд Монголд” олон улсын кино уран бүтээлчдийн анхдугаар наадмыг 2019 оны тавдугаар сарын 1-7-ны өдрүүдэд Улаанбаатар хотноо зохион байгуулах гэж байна.

Энэхүү наадмыг Монгол Улсын Ерөнхийлөгчийн ивээл дор зохион байгуулж байгаа бөгөөд улс эх орноо дэлхийд сурталчлан таниулах, Монголын кино урлагийн салбарын цаашдын хөгжилд хувь нэмэр оруулах, олон улсын туршлагатай уран бүтээлчдийг Монголдоо авчирч тэднээс суралцах, харилцаа холбоо тогтоож хамтын ажиллагааны боломжийг бүрдүүлэх зорилготой юм. Кино бүтээхтэй холбоотой олон чиглэлээс Холливудын мэргэжлийн уран бүтээлчид нэгдсэн байдлаар анх удаа Монгол Улсад хүрэлцэн ирж байгаа нь кино урлагийн түүхэнд нэгэн шинэ хуудсыг нээсэн, чухал ач холбогдол бүхий арга хэмжээ болж байна.

Наадмын хүрээнд “Кино Урлагийн Нэгдсэн Форум”, Холливудаас хүрэлцэн ирсэн 16 уран бүтээлч зохиол, продюсинг, найруулга, зураглал, кастинг, жүжиглэлт, зураг эскиз, дууны найруулга, өнгө хувиргалт, дистрибьюшн, хууль эрх зүйн орчин, кино фестиваль зэрэг өөр өөрийн мэргэшсэн сэдвийн хүрээнд нэгдсэн чуулган, мэргэжлийн “Мастер класс” сургалтууд, “Монголын Кино Урлагийн Үзэсгэлэн” болон бусад арга хэмжээнүүд зохион байгуулагдана.

Түүнчлэн Халли Берри, Брэд Питт, Чарльз Терон зэрэг Холливудын алдартай “А” зэрэглэлийн жүжигчдийн дасгалжуулагч, мэргэжлийн зөвлөгч багш Ивана Чаббак хүрэлцэн ирэх бөгөөд түүний Лос Анжелес Таймсийн шилдэг борлуулалттай ном болох “Дүр бүтээх увидас” номын нээлт болно. Холливудын уран бүтээлчид өргөн бүрэлдэхүүнээр хүрэлцэн ирж, кино бүтээх мэргэжлийн аргуудаасаа хуваалцах гэж байгаа нь Монголын кино урлагийн хувьд томоохон дэвшилт болох юм.

Мөн “Домгийн жимээр” дэлгэцийн уран бүтээлийн зураачдын үзэсгэлэн 2019.05.01-07-нд MN Tower-ийн 17-р давхарт байрлах MN ART галерейд бүх хүмүүст нээлттэйгээр болно.Гадны туршлагатай уран бүтээлчдээс сургалт авахын зэрэгцээ тэдэнтэй харилцаа холбоо тогтоон, дараа дараагийн хамтын ажиллагааны суурийг тавих, ирээдүйд хамтран кино бүтээх, дэлхийн хэмжээний томоохон кино зураг авалтыг Монгол Улсад хийх боломжийг бүрдүүлэх, эх орноо сурталчлах чухал ач холбогдолтой олон улсын статус бүхий энэхүү наадам нь цаашдаа 2 жил тутамд зохион байгуулагдах алсын хараатайгаар анх удаагаа болох гэж байна.