Саун, фитнес, иогийн клубын үйл ажиллагааг өнөөдрөөс эхлэн нээлээ

Аймгийн Онцгой комисс өнөөдөр хуралдаж, зарим шийдвэрийг гаргалаа. Тодруулбал,аймгийн нутаг дэвсгэртүйл ажиллагаа явуулж буйстандартын шаардлага хангасан саун, фитнес, иогийн клубын үйл ажиллагаагөнөөдрөөс эхлэн нээхээр боллоо.
Тэгэхдээ үйлчлүүлж буй иргэд болон ажиллагсдын биеийн халууныг үзэж нэвтрүүлэх, гар ариутгах, амны хаалтны хэрэглээг хэвшүүлэх, халдваргүйжүүлэлтийг 2 цаг тутам хийлгэж иргэдийг олноор нэг дор байршуулахгүйгээр цагийн болон хоорондын зайн зохион байгуулалтыг хийж, холбогдох мэргэжлийн байгууллагуудаас гаргасан зөвлөмж шаардлага, стандартыг хатуу мөрдөж ажиллахыг сануулсан юм.
Тэрчлэн,Ерөнхий боловсролын сургуулийн элсэлтийн ерөнхий шалгалт өгөх 12 дугаар ангийн сурагчдыг 5 дугаар сарын 1-ний өдрөөс 7 дугаар сарын 1-ний өдөр хүртэл хугацаанд 10–аас дээшгүй сурагчдыг хамруулсан баг болгон хуваарилж, халдвар хамгааллын дэглэмийг сахиулан, шалгалтад бэлтгэх боломжийг бүрдүүлж ажиллахаар боллоо. Мөн аймгийн хэмжээнд цэрэг татлага, авто тээврийн үзлэгийг зохих журмын дагуу зохион байгуулж, халдвар хамгааллын дэглэмийг сахиж ажиллах,Улаангом сумын сургууль цэцэрлэг, соёл урлагийн байгууллага, 19 сумын нэгдсэн халаалтыг 4 дүгээр сарын 20-ны өдрөөс, аймгийн төвийн албан байгууллагуудын халаалтыг 5 дугаар сарын 1-нээс эхлэн зогсоохшийдвэрийг гаргалаа.
Түүнчлэн, айл өрхүүдийн нүхэн жорлонд ариутгал халдваргүйтгэл хийхэд шаардагдах хөрөнгийг аймгийнОнцгой комиссоос шийдвэрлэх, хүнс барааны зах, нийтийн эзэмшлийн болон спортын талбайд ариутгал халдваргүйтгэл хийх ажлыг эрчимжүүлэх зэрэг шийдвэрийг гаргаж,холбогдох байгууллагуудад үүрэг чиглэл өглөө.скачать dle 12.0