СОЁЛЫН САЙДААР АКАДЕМИЧ С.ЧУЛУУН АЖИЛЛАНА
Монгол Улсын Ерөнхий сайд У.Хүрэлсүх Засгийн газрын танхимаа эмхлэн байгуулж, шинээр томилсон сайд нараа батламжилж, захирамжаа гардуулсан. Энэ удаагийн Засгийн газрын бүтцийн дагуу Боловсрол, соёл, шинжлэх ухаан, спортын яам, Боловсрол шинжлэх ухааны яам, Соёлын яам, Биеийн тамир спортын улсын хороо болж өөрчлөгдсөн. Тэгвэл Соёлын сайдаар ажиллах С.Чулуун тангараг өргөснийхөө дараа үүрэгт ажлаа хүлээн авчээ. Түүнд ажил хүлээлцэх арга хэмжээнд Монгол Улсын Засгийн газрын гишүүн, Монгол Улсын Шадар сайд Я.Содбаатар биечлэн оролцжээ.
Соёлын сайдаар ажиллах Сампилдондовын Чулуун нь 1977 онд Төв аймгийн Баянцагаан суманд мэндэлсэн 43 настай. Тэрээр үндэс, угсаа Халх, Ам бүл 5, 1995 онд Төв аймгийн Зуунмод хотын 2 дугаар сургууль, 1999, 2000 онд Монгол Улсын Их Сургуулийг тус тус төгссөн. Түүхч, түүхийн багш мэргэжилтэй, шинжлэх ухааны докторын зэрэгтэй, академич цолтой.
Түүний ажилласан байдлын хувьд 1999-2001 онд ШУА-ийн Түүхийн хүрээлэнд эрдэм шинжилгээний ажилтан, 2004-2006 онд МУИС-ийн Түүхийн тэнхимд багш, 2006-2009 онд ХҮДС-д Дэд захирал, 2009-2010 онд МУИС-ийн Нийгмийн шинжлэх ухааны сургуульд Эрдэмтэн нарийн бичгийн дарга, 2010-2015 онд ШУА-ийн Түүхийн хүрээлэнгийн захирал, 2015-2019 онд ШУА-ийн Түүх, археологийн хүрээлэнгийн захирал, 2019 оноос одоог хүртэл ШУА-ийн Түүх, угсаатны зүйн хүрээлэнгийн захирлаар ажиллаж байжээ.
Ийнхүү Ерөнхий сайдын сонгосон Соёлын сайдын хувьд Монгол Улсын түүхийг олон жил сайтар судласан, соёлын олон талт асуудлыг хөгжүүлэх арга замаа ойлгосон, Монгол Улсын соёл, урлагийн салбарыг улсдаа болоод олон улсын хэмжээнд бүрэн төлөөлж чадах эрдэмтэн аж.
Монгол Улсын Соёл, урлагийн салбар мандан бадрах болтугай...

Соёлын сайдаар ажиллах Сампилдондовын Чулуун нь 1977 онд Төв аймгийн Баянцагаан суманд мэндэлсэн 43 настай. Тэрээр үндэс, угсаа Халх, Ам бүл 5, 1995 онд Төв аймгийн Зуунмод хотын 2 дугаар сургууль, 1999, 2000 онд Монгол Улсын Их Сургуулийг тус тус төгссөн. Түүхч, түүхийн багш мэргэжилтэй, шинжлэх ухааны докторын зэрэгтэй, академич цолтой.
Түүний ажилласан байдлын хувьд 1999-2001 онд ШУА-ийн Түүхийн хүрээлэнд эрдэм шинжилгээний ажилтан, 2004-2006 онд МУИС-ийн Түүхийн тэнхимд багш, 2006-2009 онд ХҮДС-д Дэд захирал, 2009-2010 онд МУИС-ийн Нийгмийн шинжлэх ухааны сургуульд Эрдэмтэн нарийн бичгийн дарга, 2010-2015 онд ШУА-ийн Түүхийн хүрээлэнгийн захирал, 2015-2019 онд ШУА-ийн Түүх, археологийн хүрээлэнгийн захирал, 2019 оноос одоог хүртэл ШУА-ийн Түүх, угсаатны зүйн хүрээлэнгийн захирлаар ажиллаж байжээ.
Ийнхүү Ерөнхий сайдын сонгосон Соёлын сайдын хувьд Монгол Улсын түүхийг олон жил сайтар судласан, соёлын олон талт асуудлыг хөгжүүлэх арга замаа ойлгосон, Монгол Улсын соёл, урлагийн салбарыг улсдаа болоод олон улсын хэмжээнд бүрэн төлөөлж чадах эрдэмтэн аж.
Монгол Улсын Соёл, урлагийн салбар мандан бадрах болтугай...




