“Дээлээр гоёсон долдугаар сар” Үндэсний аяны шилдгүүд тодорлоо

 Эрдэнэт үйлдвэр ТӨҮГ-ын Соёл урлагийн цогцолбор, “Denimon” ХХК-ийн “Urban” брэнд, Монголын гэрэл зурагчдын нэгдсэн холбоо хамтран “Дээлээр гоёсон долдугаар сар” Үндэсний аяныг амжилттай зохион байгуулж, шилдгүүдээ тодрууллаа. Энэхүү уралдаанд аймаг, нийслэл болон хилийн чанадаас 300 гаруй гэрэл зургийг оролцогчид ирүүлсэн байна. “Дээлээр гоёсон долдугаар сар” аяны шагнал гардуулах ёслол хоёр өдөр үргэлжилжээ.  Өнөөдөр /2020.08.04/ нийслэл хотоос болон 21 аймгаас шалгарсан шилдэг оролцогчид шагналаа “Эрдэнэт Үйлдвэр” ТӨҮГ төлөөлөгчийн газарт гардан авлаа.

 

• “Онцлох гэрэл зурагчин" төрөлд Дундговь аймгаас оролцогч 260, 274-284 дугаартай оролцогч А.Мөнх-Эрдэнэ
• “Онцгой дүр төрх" төрөлд Улаанбаатар хотоос оролцогч 58 дугаартай оролцогч Э.Адъяасүрэн нар тэргүүн байр эзэлжээ. 

Шагнал гардуулах үйл ажиллагааны талаар “Дээлээр гоёсон долдугаар сар” аяныг  санаачлан зохион байгуулагч, Соёл урлагийн цогцолборын соёлын ажлын арга зүйч Э.Бүжидмаа “Бид Эрдэнэт хотоос Улаанбаатар хот болон 21 аймгаас тодорсон шилдэг оролцогчдодоо шагналын гардуулахаар цугласан байна. Увс, Хэнтий, Дундговь аймгаас тодорсон оролцогчдын Улаанбаатар хотод байгаа төлөөлөл болох ар гэр, найз нөхөд нь хүрэлцэн ирж шагналыг нь гардан авлаа. Шилдэг гурван төрлийн "Онцлог гэр бүл" Эрдэнэт хотоос шалгарсан. Харин "Онгой дүр төрх", "Онцлох гэрэл зурагчин" төрлийн шилдэг оролцогчид  Улаанбаатар, Дундговь аймгаас тодорлоо.  Мөн онцлох гэрэл зурагчин А.Мөнх-Эрдэнийг Монголын гэрэл зурагчдын холбооны тэргүүн Ц.Батбаатар "Монголын гэрэл зурагчдын холбоон"-д албан ёсны гишүүн болж орох урилгыг гардууллаа.
Долдугаар сарын турш бидэнтэй хамтарч ажилласан байгууллага, хувь хүний төлөөллүүд ирж шагналаа авсан. Аяны хүрээнд бидэнд 300 гаруй гэрэл зураг ирсэн байна. Бидний зохион байгуулсан “Дээлээр гоёсон долдугаар сар” аяны зорилго нь 30 хоногийн хугацаанд хэрэгжээжддуусах ажил биш юм. Монголчуудыг үндэсний дээл хувцсыг өдөр тутмын амьдралдаа өмсөж хэвшүүлэх зорилготой аян байсан. Таны энэ үйлдэл өнөөдрөөс ч эхэлж болно. Бидний зохиосон аян маш өргөн хүрээг хамарч чадсан болов уу хэмээн бодож байна. Жишээлбэл, орон нутгаас малчид мөн загвар өмсөгчид, тайз дэлгэцийн уран бүтээлчид хүртэл үндэсний хувцас, биет бус соёлыг хадгалан авч үлдэх, таниулахад үнэтэй хувь нэмэр үзүүлсэн. мөн Үндэсний дээл хувцсыг иргэд энгийн хэрэглээнд хаана, хэрхэн өмсөж  байгааг таниулах зорилготой аян байлаа. Энэхүү  зорилго, санаачлагуудыг хангалттай  биелүүлж чадлаа” хэмээлээ.

Онцлох дүр төрхөөр шалгарсан  Э.Адьяасүрэн “Энэхүү аяны удирдамжийг анх фэйсбүүкээс олж харсан.  Найз нөхөд, гэр бүлийнхээ  уриалга, дэмжлэгээр оролцсон. Би анх удаа Үндэсний өв соёлыг хадгалах, түгээн дэлгэрүүлэх зорилготой  уралдаанд оролцож байна. Монголчууд дээлийг эрт дээр үеэс  хэрэглэж ирсэн арвин их түүхтэй ард түмэн. Энэ соёлыг залуучууд  бид ирээдүйд үр хүүхдүүддээ өвлүүлж, хадгалан авч үлдэхийн тулд яг өнөөдрөөс өмсөж, хэрэглэж таниулах хэрэгтэй. Энэ тэмцээний гол зорилгыг өөрийн биеэр дамжуулан бусдад хүргэж чадсандаа баяртай байна. Би дуурийн дуучин мэргэжилтэй. Цагдаагийн Ерөнхий газрын сүлд чуулгын дуучин. Дээлийг өдөр тутам болон ажил мэргэжлийн онцлогоор тайзны тоглолтод хүртэл  хувцсыг өмсөх шаардлага ” гардаг. Өдөр тутмын амьдралдаа хүртэл цамц, даашинз хэлбэрээр хослуулан өмсдөг. Би өөрөө дээл оёдог учраас зөвхөн өөртөө биш гэр бүлийн гишүүддээ хүртэл Монгол цамц, хувцсыг нь оёж өмсүүлдэг” хэмээлээ.

Өвөрмонгол оролцогчдын төлөөлөл Т.Баянмөнх “Дээлээр гоёсон долдугаар сар” аян амжилттай зохион байгуулагдаж дууслаа. Монголын өнцөг булан бүрээс маш олон хүн оролцсон байна. Тэр дундаа Өвөрмонголоос олон хүн оролцсон байгаа.  Тэдгээр хүмүүсээс 10-аад хүний зургийг онцлоход хоёр настай хөгшний зураг шалгарсан. Тэднийг танилцуулбал Ордос хотын Лонтонсо гэдэг нэртэй дээл урладаг настан болон  Баян нуурын урд хойд хошууны Сэцэнхуар гэдэг хоёр хүн шалгарсан. Энэхүү аян Монгол туургатны хэмжээнд зохион байгуулагдсанд маш их баяртай байна. Цаашдаа энэхүү уралдааны цар хүрээ илүү нэмэгдэж Өвөрмонголчууд, Тува, Халимаш, Хөх нуур,  Шинжян-Уйгар гээд олон Монголчуудыг  дараагийн уралдаануудад илүү идэвхтэй хамруулаасай гэж бодож байна. Би энэхүү уралдааны удирдамжийг Өвөрмонголчуудад танилцуулж уралдаанд оролцохыг уриалсан” хэмээлээ.
скачать dle 12.0