ҮСЧИН, КАФЕ ЗЭРЭГ 70 ҮЙЛ АЖИЛЛАГААГ ЭРХЛЭХЭД ТУСГАЙ ЗӨВШӨӨРӨЛ ШААРДАХГҮЙ БОЛЛОО

Нийслэлийн Засаг дарга бөгөөд Улаанбаатар хотын Захирагч Д.Сумъяабазар нэн чухал шийдвэрт өнөөдөр гарын үсэг зурж баталгаажуулсан талаараа мэдээлэл хийлээ. Энэхүү шийдвэр нь нийслэлийн нутаг дэвсгэрт хууль тогтоомж, стандарт, шаардлагад нийцүүлэн, зөвхөн бүртгүүлсний үндсэн дээр 2022 оны нэгдүгээр  сарын 1-ний өдрөөс 74 төрлийн худалдаа, аж ахуйн үйл ажиллагааг чөлөөтэй эрхлэх нөхцөл, боломжийг нээж байгаагаараа онцлог юм.
Дээрх 74 төрлийн худалдаа, үйлдвэрлэл, үйлчилгээнд тусгай зөвшөөрөл олгохгүй болсны үр дүнд  иргэн, аж ахуйн нэгж, байгууллагад дараах бодит хэмнэлт, үр дүн гарна.
Бүрдүүлэх баримт бичгийг багасгах чиглэлээр:
Иргэн, аж ахуйн нэгж, байгууллага нь жилд давхардсан тоогоор 167,976 баримт бичиг /нэг гэрээ байгуулж, эрх авахад 7-12 буюу дунджаар 9 баримт бичиг бүрдүүлдэг/ бүрдүүлдэг бөгөөд эдгээрийг цаашид иргэн, аж ахуйн нэгж, байгууллагаас шаардахгүй болно.
Зардлыг хэмнэх чиглэлээр:
Иргэн, аж ахуйн нэгж байгууллага нь жилд нийт 191,306,000 төгрөг /бичиг хэргийн зардал 41,994,000 /баримт бичгийг хувилах зардал/, тээврийн хэрэгслийн зардал 149,312,000 /төрийн 5 байгууллага руу ирж, очих нийтийн тээврийн зардал//-ийн зардлыг хэмнэж байна. Үүний цаана ил болоогүй, тооцох боломжгүй олон зардал бий.
Цаг хугацааг хэмнэх чиглэлээр:
Иргэд төрийн гурван байгууллага /Нийслэлийн Цагдаагийн удирдах газар, дүүргийн Засаг даргын Тамгын газар, Онцгой байдлын хэлтэс/ руу хоёр удаа, 2 байгууллага /дүүргийн Татварын хэлтэс, Тохижилт үйлчилгээний компани/ руу нэг удаа ирж, очдог бөгөөд нийт 447,936 цаг /нэг удаа ирж, очих хугацаа 3 цаг бөгөөд 1 иргэн үйлчилгээ эрхлэх гэрээ байгуулахад 24 цагийг зарцуулж байна/-ийг зарцуулдаг бөгөөд дээрх цаг хугацааг бүхэлд нь хэмнэх боломжийг бүрдүүлж байна.
Шат дамжлагыг багасгах чиглэлээр:
Иргэн, аж ахуйн нэгж, байгууллага нь нэг гэрээ байгуулахад төрийн таван байгууллага /Нийслэлийн Цагдаагийн удирдах газар, дүүргийн Засаг даргын Тамгын газар, Онцгой байдлын хэлтэс, Татварын хэлтэс, Тохижилт үйлчилгээний компани/-д биечлэн очиж хүсэлт гаргадаг бөгөөд цахим хэлбэрт шилжүүлснээр үйлчилгээний хүсэлтээ зөвхөн нэг цонхоор гаргана. Иргэний хүсэлтийг төрийн дээрх байгууллагууд цахим хэлбэрээр нэгэн зэрэг хүлээн авч, шийдвэрлэн хариуг нэг цонхоор цахим хэлбэрээр өгөх нөхцөлийг бүрдүүлж байна.
Тусгай зөвшөөрөл авах шаардлагагүй болох үйл ажиллагааны чиглэлүүд:

1. Бөөний худалдааны төв
2. Агуулах дэлгүүр
3. Худалдааны төв
4. Зах (барилгын материал, мод, авто техникийн гэх мэт)
5. Их дэлгүүр
6. Хайпермаркет
7. Супермаркет
8. Үзүүлэнгийн танхим
9. Outlet
10. Бүүтэг
11. Мини маркет,
12. Хүнсний дэлгүүр
13. Ая тухтай сүлжээ дэлгүүр
14. Төрөлжсөн барааны дэлгүүр
15. Мухлаг
16. Үйлчилгээний цэг буюу ТҮЦ
17. Улирлын чанартай түр сүүдрэвчтэй худалдаа
18. Дахивар худалдан авах цэг
19. Ресторан
20. Баар, диско, биллиард, караоке бусад
21. Кафе
22. Цайны газар (Нийтийн болон байгууллагын)
23. Түргэн үйлчилгээний болон сүлжээ хоолны газар
24. Coffee Shop
25. Явуулын үйлчилгээний түргэн хоолны цэг
26. Үсчин
27. Гоо засал
28. Хумс засал
29. Хувцас захиалга, засвар
30. Гутал захиалга, засвар
31. Гэр ахуйн тавилгын захиалга, засвар
32. Ахуйн электрон цахилгаан хэрэгслийн засвар
33. Алт мөнгө үнэт эдлэлийн захиалга, засвар
34. Цүнх захиалга, засвар
35. Нүдний шил захиалга, засвар
36. Цоож, түлхүүр захиалга, засвар
37. Цаг засвар
38. Хими цэвэрлэгээ, угаалга үйлчилгээ
39. Гэрэл зураг дүрс бичлэгийн үйлчилгээ
40. Цэвэрлэх үйлчилгээ
41. Айл нүүлгэх үйлчилгээ
42. Эд бараа түрээслэх үйлчилгээ
43. Зочид буудал
44. Дэм буудал
45. Жуулчны бааз
46. Амралтын газар
47. Гэр буудал
48. Нийтийн халуун ус
49. Саун
50. Бассейн
51. Чийрэгжүүлэлтийн төв, фитнесс, спинниг, аеробик, иог, бүжиг гэх мэт
52. Алжаал тайлах төв, иллэг
53. Нийтийн бие засах газар
54. Авто засвар
55. Дугуй засвар
56. Автомашин угаалгын үйлчилгээ
57. Автомашины доторлогоо
58. Автомашины сэлбэг хэрэгсэл, тос тосолгооны болон бусад аккумулятор, гоёл чимэглэл, дугуй зэрэг ашиглалтын материал худалдаа
59. Авто зогсоол
60. Цахим байрны үйлчилгээ
61. Хүүхдийн байрны үйлчилгээ
62. Нийтийн байрны үйлчилгээ
63. Зочид буудлын үйл ажиллагаа эрхлэх зөвшөөрөл шинээр олгох
64. Зочид буудлын үйл ажиллагаа эрхлэх зөвшөөрөл сунгах
65. Дэм буудлын үйл ажиллагаа эрхлэх зөвшөөрөл шинээр олгох
66. Дэм буудлын үйл ажиллагаа эрхлэх зөвшөөрөл сунгах
67. Жуулчны бааз, амралтын газрын үйл ажиллагаа эрхлэх зөвшөөрөл сунгах
68. Соёл урлагийн, дуу хөгжим, кино, бүжиг, драма, загвар, хөтлөгч, жүжигчин, тайзны яриа, илтгэх урлаг, уран зураг, фото зураг, төрөл бүрийн хатгамал, нүүр будалт, будаг хувиргалт, сургалтын газрын үйл ажиллагаа эрхлэх зөвшөөрлийг шинээ авах, сунгах
69. Дэлгэцийн болон дүрс бичлэгийн кино үзүүлэх үйл ажиллагааны зөвшөөрлийн гэрчилгээг шинээр олгох сунгах
70. Тайчих клуб эрхлэх зөвшөөрөл шинээр авч сунгуулах
71. Биллиард боулинг, дэлгэцийн гольф автомат тоглоом эрхлэх зөвшөөрөл шинээр авах сунгах
72. Диско клуб ажиллуулах зөвшөөрөл шинээр авах сунгах
73. Караоке эрхлэх зөвшөөрөл шинээр авах сунгах

Хуулиар нийслэлийн нутаг захиргааны байгууллагаас тусгай зөвшөөрөл, зөвшөөрөл авахыг шаардсанаас бусад бүх төрлийн аж ахуйн үйл ажиллагааг хууль тогтоомж, стандарт, шаардлагад нийцүүлэн, зөвхөн татварын албанд бүртгүүлсний үндсэн дээр нийслэлийн нутаг дэвсгэрт чөлөөтэй эрхлэх нөхцөл, боломжийг бүрдүүлнэ.скачать dle 12.0