“Нүүдлийн ай” олны хүртээл болов

Фото сэтгүүлч П.Баттулга“Нүүдлийн ай”гэрэл зургийн үзэсгэлэнгээ өнөөдөр“Чингис хаан”үндэсний музейд дэлгэж, олны хүртээл болголоо.

Нүүдэл гэхээр нэг малчин айл хаваржаанаас зусландаа гэрээ зөөгөөд буух нэг удаагийн ажил гэсэн ойлголт нь өрөөсгөл юм. Хэрэв л ингэж ойлгоход хүрсэн бол монголоо алдаж байгаагийн илрэл, гунигтай явдал. Нүүдэл, нүүдэллэх ёс, нүүдэлчдийн ахуй, соёл, зан үйл бол байгаль дэлхийтэйгээ зохицон амьдрах арга ухаан, зан суртахуун, ёс зүй, дэг журам, амар амгалан бөгөөд үеийн үед монгол хүний амьдралыг зогсолтгүй тээж яваа амин сүнс, аливаад шалгаран үлдэх, хараат бус, амьдрахуйн сонгодог загвар, оршихуйн дархлаа билээ.

Биднээс өдөр өдрөөр алслан холдож сэтгэл хөндүүрлүүлэн буй нүүдлийн аж байдал, ахуй, соёлоо хайрлан хамгаалах, өвлүүлэх, танин мэдүүлэх зорилго, тэмүүлэл өвөрлөн 2019 оноос хойш жилийн дөрвөн улирлын турш хуанли эргүүлэн төлөвлөж, хаваржаа, намаржаа, зуслан, өвөлжөө даган аппарат үүрэн аяншиж, отор нүүдэлд зүтгэх фото сэтгүүлч П.Баттулга асуудлыг хөндөх сэтгүүлч хүний үүрэг, уламжлал, өв соёлоо хайрлан хамгаалах журамт үүргээ хослуулан "Нүүдлийн ай" сэдэвт бие даасан үзэсгэлэнгээ Чингис хаан үндэсний музейд дэлгэлээ.

Үзэсгэлэнгийн нээлтийн үеэр тэрбээр“Хол нүүж, тарж нутагла. Тэгж байж нутагтайгаа үлдэнэ”хэмээнХөдөлмөрийн баатарЛ.Түдэвийн монголчуудын оршин тогтнох үндсийг хэлж үлдээснийг бид ямагт санаж, хэрэгжүүлж явах ёстой”хэмээв.
Үзэсгэлэн энэ сарын 22-ныгхүртэл нээлттэйбайх бөгөөд нийт 40 зураг дэлгэжээ. 








скачать dle 12.0