Т.Мөнхсайхан: Эрүүл мэндийн салбарын цахим шилжилт 60 хувьтай байна

УИХ-ын Инновац, цахим бодлогын байнгын хорооны энэ сарын 2-ны өдрийн хуралдаандЭрүүл мэндийн сайд Т.Мөнхсайхан эрүүл мэндийн салбарын цахим шилжилтийн талаар танилцууллаа.

Өнөөдрийн байдлаар И-Монголиа платформоор дамжуулан жирэмсний хяналт, эх хүүхдийн хяналт, эмийн жор, шинжилгээний хариу, хүүхдийн урьдчилан сэргийлэх тарилгын гэрчилгээ, дүрс оношилгооны дүгнэлт зэрэг нийт 25 үйлчилгээг иргэнд хүргэж байгаа аж. Тэрбээр, Эрүүл мэндийн салбарын цахимжилтын хүрээнд салбар дотроо цэгцлэх, чадавхыг бэхжүүлэх, салбар хоорондын хамтын ажиллагааг хангах зэрэг үйл ажиллагаанд анхаарч байна.

Тухайлбал, эрүүл мэндийн бүртгэлийн маягтыг цахим хэлбэрт шилжүүлэх, Зайн оношилгооны төвийг байгуулан үйлчлүүлэгчийн дүрс оношилгооны зургийг эмч илүү өндөр нарийвчлалтай унших, эмч цаг алдалгүй шинжилгээний хариу олгох, гаалиар орж ирж байгаа эм, эмнэлгийн хэрэгслийн тоо хэмжээ, үнэ, баркод зэргийг цахимаар бүртгэх, эмийн санд жижиглэнгээр худалдаж байгаа эмийн үнийг НӨАТ-ын системтэй холбох, эмийн бүртгэлийн мэдээллийн нэгдсэн сан үүсгэх, “Цахим эмнэлэг” байгуулах, эрүүл мэндийн мэдээллийг нээлттэй дашбоард хэлбэрээр харах, иргэний гар утсанд мессежээр болонИ-Монголиа платформ, мобайл аппликейшнаар дамжуулан эрт илрүүлэг, үзлэг оношилгоонд дуудах, үр дүнг хариу мэдээлэх, дүрс оношилгооны зураг, эмчийн дүгнэлт зэрэг өгөгдлийн тодорхой хэсгийг эмч, эрдэмтэн судлаач нарт ашиглаж болохуйцаар ил болгох, хиймэл оюун ухаан, машин сургалтын технологийг нэвтрүүлэх зэрэгажлыгхийжбайна. Мөн цаашид эрүүл мэндийн салбарын их өгөгдлийг бий болгох, үүний тулд хувийн хэвшлийн эрүүл мэндийн байгууллагыг цахим сиситемд бүрэн нэгтгэх, өгөгдөл солилцох боломжийг бүрдүүлэх, эрүүл мэндийн байгууллагуудын мэдээллийн аюулгүй байдлыг хангах, дэд бүтцийг сайжруулах, мэдээллийн технологийн чиглэлээр хүний нөөцийн цалин урамшууллыг нэмэгдүүлэх, иргэнд эрүүл мэндийн тусламж үйлчилгээг цахимаар авах боломжийг өргөжүүлэх чиглэлд илүү анхаарч ажиллах болно гэв.

Эрүүл мэндийн сайдын мэдээлэлтэй холбогдуулан гишүүд асуулт асууж, хариулт авлаа.“Цахимжилтын суурь шинэчлэл  60 орчим хувьтай. Ирэх оны төгсгөлд дээрх ажлыг хийхээр төлөвлөж байгаа. Мэдээллийн технологийн ур чадвар бүхий боловсон хүчнийг ажиллуулахад цалин хангамжийн асуудал тулгарч байна. Эрүүл мэндийн салбарт ажиллаж буй IT инженерүүд төрийн албаны цалингийн шатлалын дагуу ТҮ-7 зэрэглэлээр цалинждаг. Засгийн газрын тогтоолоор төрийн захиргааны болон төв байгууллагуудын энэ салбарын мэргэжилтнүүдэд итгэлцүүрээр цалин нэмэгдүүлэн олгож байгаа ч эрүүл мэндийн салбарын энэ чиглэлийн мэргэжилтнүүдхамрагдаагүй.Гэхдээ ирэх жил итгэлцүүрээр цалинжуулахаар саналаа оруулсан. Харин эм, эмнэлгийн хэрэгслийн чанарыг сайжруулахад нэн тэргүүнд олон улсын стандартыг хангасан томоохон лаборатори байгуулахаар зураг төсөл нь бэлэн болсон. Ирэх намар ашиглалтад оруулаад чанарын шаардлага хангахгүй эмүүдийг зах зээлээс гаргана.

ДЭМБ-аас хүлээн зөвшөөрсөн чанартай эмийг хэлцлээр оруулж ирж байна. Өнөөдрийн байдлаар 30 гаруй төрлийн эмийг оруулж, хэрэглэгчдэд хүргэсэн. Олон улсын байгууллагаас манай улс дотоодын нийт бүтээгдэхүүнийхээ 6 хувьтай тэнцэх хэмжээний төсвийг эрүүл мэндийн салбарт зарцуулж байж тулгамдсан асуудлуудаа шийдвэрлэх боломжтой гэж зөвлөдөг боловч манайх дөнгөж 3 хувийг зарцуулж байна. Мөн эрүүл мэндийн салбарын цогц хуулийн шинэчлэлийг хэрэгжүүлэхээр ажиллаж байна”гэж салбарын сайд ярилаа.скачать dle 12.0