ЗАВХАН: Аймгийн нийт нутгаар цасан болон шороон шуурга шуурна

Завхан аймгийн ихэнх нутгаар 9-11-ний өдрүүдэд цас орж, цасан болон шороон шуурга шуурч зам даваа хаагдаж болзошгүйг анхаарууллаа.

Энэ сарын​9-10-ны шөнө, 10-11-ний шөнө зарим газраар, 10-ны өдөртөө ихэнх нутгаар хур тунадас, цас орж, цасан болон шороон шуурга шуурна.

Салхи секундэд 13-15 метр, зарим газраар секундэд 18-20 метр, түр зуур секундэд 24 метр хүрч ширүүснэ.

Аймгийн​нийт нутгаар сэрүүсэж зам даваанд​халтиргаа​гулгаа үүсэж, үзэгдэх орчин хязгаарлагдахыг онцгойлон анхааруулж байна.​Завханы​Нөмрөг, Сонгино, Түдэвтэй, Баянхайрхан, Тэлмэн, Тосонцэнгэл, Их-Уул, Тэс, Цэцэн-Уул сумын нутгаар секундэд 13-15 метр, зарим үед секундэд 24 метр хүрч ширүүснэ. Иргэд, малчид, тээврийн хэрэгслийн жолооч та бүхэн:
-Шуурганд төөрөх, малтайгаа уруудах, осгох, амь насаа алдах зэрэг эрсдэлээс урьдчилан сэргийлж, хүүхдийг хараа хяналтгүй орхихгүй байх, түүнчлэн малын бэлчээрлэлтэд онцгойлон анхаарах.

-Хүчтэй цасан шуурганы үеэр үзэгдэх орчин хязгаарлагдах, авто зам, даваа цасанд хаагдах,​халтиргаа​гулгаа үүссэний улмаас тээврийн хэрэгсэл саатах, бөөгнөрөл үүсэх зэрэг хүндрэл гардаг.​Иймээс хүчтэй салхи шуурганы үед замд гарахгүй байх, зайлшгүй шаардлагатай тохиолдолд хол, ойрын замд гарахдаа тээврийн хэрэгслийн найдвартай байдлыг хангаж бензин, шатахууны нөөцтэй, дулаан хувцастай зорчихыг Онцгой байдлын ерөнхий газраас анхааруулж байна.
скачать dle 12.0