Ж.Батмөнх агсны мэндэлсний 100 жилийн ойд зориулсан дижитал үзэсгэлэнг нээлээ
БНМАУ-ын Сайд нарын зөвлөлийн дарга, АИХ-ын Тэргүүлэгчдийн дарга, Намын төв хорооны Ерөнхий нарийн бичгийн даргаар ажиллаж байсан Ж.Батмөнх агсны мэндэлсний 100 жилийн ойд зориулсан “Ардчиллын өглөө” үйл ажиллагааг МАН-ын дэргэдэх Социал демократ Монголын залуучуудын холбооноос зохион байгуулж байна.
Энэ хүрээнд Ж.Батмөнхийн намтар, түүх, ажил, амьдралыг харуулсан 200 гаруй гэрэл зураг, хэлж байсан үгээс нь 20 орчим эшлэл зэргээс бүрдсэн дижитал үзэсгэлэнг Тусгаар тогтнолын ордонд нээжээ. Үзэсгэлэнд ашигласан бүтээлүүдийг МАН-ын төв архив, Архивын ерөнхий газар, үндэсний мэдээллийн “МОНЦАМЭ” агентлаг, Ж.Батмөнх агсны намтар номуудад орсон зургууд, хувийн архиваас авчээ.
Үзэсгэлэнгийн нээлтэд УИХ-ын дарга Н.Учрал оролцож үг хэлэхдээ “Эх орныхоо түүх, түүхэн хүмүүсийн талаар залуус, хойч үедээ үнэн зөвөөр ойлгуулах, өвлүүлэх санаачилга гаргасан залууст, мөн ардчиллыг өлгийдөн авсан удирдагчийн талаарх гэрэл зураг, түүхэн баримтыг олон нийтэд үзүүлэх боломж олгосон бүх хүн, байгууллагад талархал илэрхийлье” гэлээ.
Мөн гэр бүлийг нь төлөөлж Ж.Батмөнх агсны зээ дүү Т.Оюун үг хэлэхдээ “Ахынхаа улс орондоо тайван замаар ардчиллыг бэхжүүлсэн үйлсийг дурсан, төрийн албаны өндөр ёс зүйтэй, хариуцлагатай ажиллаж байсан зарчимч зан чанарыг үр хойч нь ч үлгэрлэн явдаг” хэмээн ярилаа.
Дижитал үзэсгэлэнг Монгол Улсын баатар Э.Бат-Үүл тэргүүтэй улс төрийн зүтгэлтнүүдээс гадна оюутан залуус үзэж сонирхов. Үзэсгэлэн энэ сарын 20-ныг хүртэл олон нийтэд нээлттэй үргэлжилнэ.
Энэ хүрээнд Ж.Батмөнхийн намтар, түүх, ажил, амьдралыг харуулсан 200 гаруй гэрэл зураг, хэлж байсан үгээс нь 20 орчим эшлэл зэргээс бүрдсэн дижитал үзэсгэлэнг Тусгаар тогтнолын ордонд нээжээ. Үзэсгэлэнд ашигласан бүтээлүүдийг МАН-ын төв архив, Архивын ерөнхий газар, үндэсний мэдээллийн “МОНЦАМЭ” агентлаг, Ж.Батмөнх агсны намтар номуудад орсон зургууд, хувийн архиваас авчээ.
Үзэсгэлэнгийн нээлтэд УИХ-ын дарга Н.Учрал оролцож үг хэлэхдээ “Эх орныхоо түүх, түүхэн хүмүүсийн талаар залуус, хойч үедээ үнэн зөвөөр ойлгуулах, өвлүүлэх санаачилга гаргасан залууст, мөн ардчиллыг өлгийдөн авсан удирдагчийн талаарх гэрэл зураг, түүхэн баримтыг олон нийтэд үзүүлэх боломж олгосон бүх хүн, байгууллагад талархал илэрхийлье” гэлээ.
Мөн гэр бүлийг нь төлөөлж Ж.Батмөнх агсны зээ дүү Т.Оюун үг хэлэхдээ “Ахынхаа улс орондоо тайван замаар ардчиллыг бэхжүүлсэн үйлсийг дурсан, төрийн албаны өндөр ёс зүйтэй, хариуцлагатай ажиллаж байсан зарчимч зан чанарыг үр хойч нь ч үлгэрлэн явдаг” хэмээн ярилаа.
Дижитал үзэсгэлэнг Монгол Улсын баатар Э.Бат-Үүл тэргүүтэй улс төрийн зүтгэлтнүүдээс гадна оюутан залуус үзэж сонирхов. Үзэсгэлэн энэ сарын 20-ныг хүртэл олон нийтэд нээлттэй үргэлжилнэ.






