Солонгос, Герман руу тусгай үүргийн онгоц нисгэхээр боллоо

Улсын онцгой комиссын шууд удирдлагад ажиллаж байгаа Шуурхай штабаас цаг үеийн асуудлаар мэдээлэл хийлээ. 

-Шуурхай штабын дарга, БЕГ-ын дэд дарга, хурандаа Б.Ууганбаяр “Өчигдөр УОК-ын 18 дугаар хурал болсон. Дөрөвдүгээр сарын 30-нд Солонгос, дараа нь Германы Франфурт хот руу МИАТ компанийн тусгай үүргийн нислэг явуулах шийдвэр гаргалаа.  Нийтдээ энэ хоёр нислэгээр 500 гаруй хүн эх орондоо ирнэ гэж тооцож байна. Эдгээр нислэгийг явуулахдаа өмнө мөрдөгдөж байсан шаардлагуудыг тавина. Мөн гаднаас ирж байгаа иргэд заавал шинжилгээнд хамрагдсан байх шаардлагыг тавина. Нэг зүйлийг анхааруулж хэлэхэд  Шуурхай штаб дээр сүүлийн үед гадаадад байгаа иргэдээ татах өргөдөл маш их ирсэн. Тэдгээр иргэдийн өргөдөлд дүн шинжилгээ хийх тусгай баг байгуулж, Консулын газартай хамтран ажиллаж байгаа. Ямар хүчин чадалтай онгоц явахаас хамааран иргэдийнхээ нэрсийг гаргана. Болзошгүй дамжин өнгөрөх нислэгээр ирж магадгүй учраас 48 цагийн дотор шинжилгээ хийлгэсэн байх гэдэг шаардлагыг тавьж байна. Транзитаар ирж байгаа хүмүүс  18 наснаас доош байх ёстой. Түүнчлэн Замын-Үүд дээр бий болсон асуудлын улмаас өнөө өглөө 07.00 цагт Замын-Үүдэд ажиллах багыг явуулж, түр журам байгуулан ажиллах шиг үүргийг өчигдөр Шадар сайд өгсөн байгаа" гэлээ. 
-ГХЯ-ны Консулын газрын дарга Л.Мөнхтүшиг “Гадаадаас эх орондоо ирэх хүсэлтэй 35 орны 9412 иргэн байна. Европоос 2335, Азиас 4243, Америкаас 1691, Австралис 1143 иргэн буцах хүсэлтээ гаргасан. Энэ удаагийн нислэгээр 500 орчим зорчигч ирнэ. Элчин сайдын яамдад шинээр бүртгэл хийхгүй. Учир нь бид өнөөдрийн байдлаар авсан өргөдлийг хүндэтгэн үзэх шалтгаанаар нь ангилсан байгаа учраас энэ мэдээлэл дээрээ тулгуурлан нислэгт хамрагдах хүмүүсээ гаргана. Транзит зорчигчид дамжин ирж байгаа гэдэг утгаараа ХӨСҮТ-д хуваарилагдах учир орныхоо тооноос хамаарч, хязгаартай тоогоор хүмүүсийг авчирна. Ер гадаад улсуудад бага насны хүүхэдтэй 1450, эрүүл мэндийн шалтгаан 376 , өндөр настан 854, жирэмсэн 141, санхүүгийн боломжгүй  болсон 813, бусад шалтгаантай гэсэн иргэд байгаа.
Энэтхэгт 420 гаруй иргэн нутаг буцах хүсэлтээ байгаа. Эдгээрийн дийлэнх нь шашны зорилгоор удаан хугацаанд шавилан суудаг хүүхэд бөгөөд хариуцах эзэнтэй. Мөн ГХЯ-аас гадаадад хүнд нөхцөлд орсон иргэдэд хэрхэн туслах тухай мэдээллийг Улсын онцгой комисст танилцуулахаар бэлдэж байна” гэв.  
-МХЕГ-ын дэд дарга Д.Сугарбат “Коронавирусийн үед цэвэрлэх байгууламжтай холбоотой хийгдсэн шалгалтыг дүнг танилцуулъя. ХӨСҮТ-ийн урьдчилан сэргийлэх байр долоо хоног тутам шинжилгээ хийхэд ахуйн бохирдол стандартын шаардлага хангасан, нян болон вирус илрээгүй. Цэвэрлэх байгууламж, Туул голын цэгүүдээс хяналт шинжилгээ авахад мөн бохирдол илрээгүй. Нийслэлийн нутаг дэвсгэрт үйл ажиллагаа явуулж байгаа амралтын газар, бар, сургалтын төвийн үйл ажиллагааг дөрөвдүгээр сарын 17-ны өдөр нээсэн бөгөөд  ЭМЯ-ны эрүүл ахуйн дэглэмийн дагуу ажиллах шаардлагыг тавьж байгаа. Амралтын газрууд өрөөнд нь үйлчлэх, олноор цуглуулахгүй байх чиглэлээр ажиллах ёстой бол фитнессийн газрууд төхөөрөмжөө хоёр метрийн зайтай явуулах журамтай” гэлээ.  скачать dle 12.0