Дөрвөн улсын хуулиар шүүгдсэн Монголын анхны улс төрч

Сангийн сайд асан С.Баярцогт өнөөдөр (2022-11-01) Нийслэлийн Прокурорын газрын үүдэнд мэдээлэл хийлээ.
Сая доллар Швейцарын банкинд байршуулснаа хөрөнгө орлогын мэдүүлэгтээ тусгаагүй дуулиан шуугиан дэгдээж явсан түүнийг Швейцарын холбооны улсаас үүсгэсэн байсан авлига авсан, мөнгө угаасан хэргийг хэрэгсэхгүй болгосон мэдэгдлийг ийнхүү Нийслэлийн Прокурорын газарт хүргүүлжээ.
Тэрээр хэлэхдээ: “Анх надад хэрэг үүсгэхдээ Оюутолгойн гэрээг нөгөө талд ашигтайгаар хийсэн, энэ үедээ авилга авсан үндэслэлгүй хөрөнгөжсөн байж болзошгүй гэх хэргүүдийг гаргаж тавьсан. Тодорхой хугацаанд цагдан хорьсон. Анхан, давж заалдах, Дээд шүүхээр ч орсон. Дээд шүүхийн нийт шүүгчдийн хуралдаанаар мөрдөн байцаалтад буцсан. Нэг жилийн хугацаанд мөрдөн шалгах ажиллагаа хийгдээд хэрэгсэхгүй болгосон.
Швейцарийн прокуророос мөрдөн шалгах ажиллагааг 2016 оноос хийсэн. Тэнд 2-3 бизнесмэнийг аваачиж мэдүүлэг авсан. Швейцарын банк, Хонгконг, Австралийн хууль хүчний байгууллагуудыг оролцуулж мөрдөн шалгах ажиллагаа явуулсан юм билээ. Зургаан жил үргэлжилсэн. Монголын улс төрчдийн дотроос дөрвөн улсын хууль хүчний байгууллагаар шалгагдсан улс төрч ховор. Манайхан өөрийнхөндөө итгэдэггүй. Шийдвэр гаргангуут нөлөө орсон байх гэж үздэг. Швейцарь улс бол эрх зүйт төртэй, хууль дээдэлдэг улс. Ийм улсын мөрдөн шалгах ажиллагааны явцад гэм буруугүй нь тогтоогдож, цагаатгагдсандаа баяртай байгаа.
Хүн засагладаггүй хууль засагладаг болсон гэдгийг харуулж чадсандаа баяртай байна. Швейцарь улс мөрдөн байцаах ажиллагааны явцад мэдээллээр хангадаг юм билээ. Түүнийг нь Монголын хууль хүчний байгууллагууд руу өгч ирсэн. Зургаан жилийн дотор сайн, муу нэр зүүж явсан ч эцэстээ үнэн мөн нь зөвхөн нэг улсад биш дөрвөн улсын хууль хүчний байгууллагаар шалгагдаж, тогтоогдсонд баяртай байна” гэв.
Ийнхүү Монгол, Австрали, Швейцарь, Хонконг гэсэн дөрвөн улсын шүүх, прокуроороор зургаан шалгуулсан Монголын анхны улс төр С.Баярцогт одооноос улс төрд идэвхитэй оролцоно гэв!скачать dle 12.0