Төмөр замын зөвлөгөөнд 12 орны төлөөлөгч оролцож байна

Төмөр замуудын хамтын ажиллагааны байгууллагын гишүүн орнуудын ачааны хэмжээ тохиролцох зөвлөгөөн Улаанбаатар хотноо өнөөдөр эхэллээ.

Тус байгууллагын гишүүн орнууд жил бүр хуралдаж, тухайн жилд төмөр замаар тээвэрлэх гадаад худалдааны ачааны хэмжээгээ харилцан зөвлөлдөн тохирдог ажээ.

Зөвлөгөөний үеэрЗам,тээврийн сайд Б.Дэлгэрсайхан“Өнөөдрийн зөвлөгөөнд 12орны 200 гаруй төлөөлөгч оролцож байна. Цар тахлын улмаас цахимаар зохиож байсан бол энэ жил Монголд болж байгаа нь олон давуу талтай. Цар тахлын дараа төмөр замаар тээвэрлэх ачаа тээвэр эрс өссөн. Цаашид эдийн засгийн хямрал зарим улсад ойртон ирж буй учраас ачаа тээврийг нэмэгдүүлэхээр улс орны төлөөлөл зөвлөлдөж байна. Тэр тусмаа хөрш зэргэлдээ болон бусад орноор дамжин өнгөрөх ачааг нэмэгдүүлэх тал дээр хичээнгүйлэн ажиллаж байна. Олон улсын хэмжээнд экспорт, импортын ачаа бараа багасаж магадгүй гэж тооцож буй учир өртөг зардлаа бууруулах дээр онцгой анхаарал хандуулна.

Ингэснээр өөрсдийн болон бусад ачаа тээврийг нэмэгдүүлэх боломжтой. Өнгөрсөнхоёрдугаар сардХятадынХарбин хотноо Ганцмод-Гашуунсухайтын хил дамнасан гэрээг баталсан. Энэ сарын 17-нд чуулган эхэлмэгц гэрээг соёрхон батлах үйл явц эхэлнэ. Ингэснээр төмөр замаа богино хугацаанд ашиглалтад оруулна. Дагаад 4-5 боомт холбогдож, ачааны хэмжээ нэмэгдэнэ.Монгол Улсын Засгийн газар“Шинэ сэргэлтийн бодлогo”-ын хүрээнд 4600 км төмөр зам барьж, шинээрдөрвөнбоомтыг төмөр замаар холбох, боомтуудын ачаа нэвтрүүлэх хүчин чадлыг 2-3 дахин нэмэгдүүлэх бодлогыг баримтлан ажиллаж байна” гэв.

“Улаанбаатар төмөр зам”хувь нийлүүлсэн нийгэмлэгийн тухайд1956 онд Төмөр замуудын хамтын ажиллагааны байгууллагын анхны 10 гишүүний нэг болсон. УБТЗ Ази-Европын холбосон хамгийн дөт коридорынхоо давуу талыг ашиглан дамжин өнгөрөх ачаа тээврийн хэмжээг нэмэгдүүлэх чиглэлээр ажиллаж байгаа аж.

“УБТЗ” ХНН-ийн Тээвэрлэлт, хөдөлгөөн хариуцсан замын орлогч дарга Д.Амарбаясгалан,“Хамтын ажиллагааны байгууллагын гишүүний орнуудынтавдугаар хэсгийн замаар 2025 онд тээвэрлэх ачааны хэмжээг тохиролцох зөвлөгөөн болж байна. Энэ замаар 34 сая тонн ачаа тээхээр төлөвлөсөн. Үүний 21 сая нь гадаад худалдааны ачаа буюу Монголоор дамжин өнгөрөх ачаа, уул уурхайн экспортын ачаа, иргэдийн өргөн хэрэглээний бараа буюу түлш, барилгын материал, эм, хүнс гэх мэт бараа байна. Эдгээрийг тээвэрлэхэд ямар арга хэмжээ хэрэгжүүлэх шаардлагатайг энэ хурлаар хэлэлцэнэ гэсэн үг. Дамжин өнгөрөх ачааны хэмжээг өнгөрсөн оны түвшинтэй ижил байлгахаар төлөвлөсөн.УБТЗ 2030 онд 50 сая хүртэлх ачааг тээнэ гэж тусгасан. Үүний тулд УБТЗ-ыг хос замтай болгох, цахилгаанжуулах, замын тээх нэвтрүүлэх, боловсруулах хүчин чадлыг нэмэгдүүлэх зэрэг ажлууд хийхээр төлөвлөж байна. Тухайлбал,энэ онд 45 км замд их засвар хийнэ. Замын-Үүд болон Сүхбаатар боомтын боловсруулах чадварыг нэмэгдүүлнэ”хэмээн ярилаа.

Төмөр замуудын хамтын ажиллагааны байгууллагын гишүүн орнууд, тэр дундаа УБТЗ энэ онд хэдий хэмжээний, хэдэн нэр төрлийн гадаад худалдааны ачаа тээвэрлэхийг уг зөвлөгөөнд оролцогч талууд Улаанбаатар хотноо тав хоногийн турш хэлэлцэн тохирох юм.скачать dle 12.0