“Геологи, уул уурхай, газрын тос, хүнд үйлдвэрийн салбарт жендэрийн талаар баримтлах бодлого" хэлэлцүүлэг боллоо

УУХҮЯ, АМГТГ-аас СЕСМИМ төслийн дэмжлэгтэйгээр “Геологи, уул уурхай, газрын тос, хүнд үйлдвэрийн салбарт жендэрийн талаар баримтлах бодлого /2019-2026/”-ын баримт бичгийн төслийн олон нийтийн хэлэлцүүлгийг энэ сарын 21-ний өдөр зохион байгуулж байна. 

“Геологи, уул уурхай, газрын тос, хүнд үйлдвэр /ГУУГТХҮ/-ийн салбарт жендэрийн талаар баримтлах бодлого”-ын баримт бичгийн төслийг салбарын оролцогч талуудад танилцуулж хэлэлцүүлэх зорилгоор зохион байгуулсан тус хэлэлцүүлэгт төрийн болон төрийн бус, олон улсын байгууллагын нийт 50 гаруй төлөөлөл оролцов.
Олон нийтийн хэлэлцүүлгийг УУХҮЯ-ны Төрийн нарийн бичгийн дарга Г.Нандинжаргал нээж үг хэллээ.
Тэрбээр “2015 оны ес дүгээр сард НҮБ-ын Ерөнхий Чуулганаар Дэлхийн тогтвортой хөгжлийн 2030 он хүртэлх хөгжлийн төлөвлөгөөг баталсан билээ. Тогтвортой хөгжлийн 5 дугаар зорилтод жендэрийн эрх тэгш байдлыг хангах, охид эмэгтэйчүүдийн эрх мэдлийг нэмэгдүүлэхийг дэвшүүлсэн билээ.
“Монгол Улсын тогтвортой хөгжлийн үзэл баримтлал-2030“-д нийгмийн хөгжлийн дэвшилд жендэрийн тэгш оролцоог хангах, нийгмийн баялгын үр шимээс адил тэгш хүртэх таатай орчинг бүрдүүлэхийг тусгасан юм. 2011 онд батлагдсан Жендэрийн эрх тэгш байдлын хангах тухай хуулийн хэрэгжилтийг сайжруулах, Монгол Улсын Засгийн газрын 2016-2020 оны үйл ажиллагааны хөтөлбөрийг зорилтыг тус тус хэрэгжүүлэх зорилгоор Жендэрийн эрх тэгш байдлыг хангах үндэсний хөтөлбөр, арга хэмжээний төлөвлөгөө (2017-2021)-г 2017 оны 4 дүгээр сарын 26 –нд баталсан билээ.
2017 оны 11 дүгээр сарын 17-ны өдөр СЕСМИМ төслийн дэмжлэгтэйгээр УУХҮЯ-наас “Эрдэс баялаг ба жендэр” үндэсний семинарыг амжилттай зохион байгуулж уг семинараас нотолгоонд суурилсан салбарын жендэрийн бодлогыг боловсруулахын чухлыг онцлон тэмдэглэсэн билээ. Энэхүү санаачилга бодит биелэлээ олж буйд баяртай байна” гэлээ.
Мөн энэхүү хэлэлцүүлгийг зохион байгуулахад санаачилга гаргаж дэмжлэг үзүүлсэн Канад улсын Засгийн газар, олборлох салбарын менежментийг бэхжүүлэх СЕСМИМ төслийг хэрэгжүүлэгч Канад улсын Агритийм зөвлөх компани, зохион байгуулах ажлын хэсгийн гишүүдэдталархаж буйгаа илэрхийлэв.
Энэ үеэр мөн Канад улсаас Монгол Улсад суугаа Элчин сайд Дэвид Спрул хэлэлцүүлэгт оролцогч төлөөллүүдэд хандан үг хэлсэн юм.
Төслийн олон нийтийн хэлэлцүүлгийн үеэр:
-Жендэрийн Үндэсний Хорооны Нарийн бичгийн дарга бөгөөд ажлын албаны даргаТ. Энхбаяр Тогтвортой хөгжлийн зорилт: Төрөөс жендэрийн талаар баримтлах бодлого, “ГУУГТХҮ-ийн салбарт жендэрийн талаар баримтлах бодлого”-ын хүлээгдэж буй үр дүн,
-УУХҮЯ-ны Стратеги бодлого, төлөвлөлтийн газрын ахлах мэргэжилтэн, “ГУУГТХҮ-ийн салбарт жендэрийн талаар баримтлах бодлого” боловсруулах Ажлын хэсгийн гишүүнА. Пүрэв “Монгол Улсын эрдэс баялгийн салбарын жендэрийн нөлөөллийн үнэлгээ: Зорилго, ач холбогдол, үр дүн”,
-УУХҮЯ-ны Төрийн нарийн бичгийн дарга, Жендэрийн салбар зөвлөлийн даргаГ.Нандинжаргал- “ГУУГТХҮ-ийн салбарт жендэрийн талаар баримтлах бодлого /2019-2026/: Зорилго, зорилт, хүрэх үр дүн, арга хэмжээ”
-УУХҮЯ-ны Хяналт-шинжилгээ, үнэлгээ, дотоод аудитын газрын дарга, “ГУУГТХҮ-ийн салбарт жендэрийн талаар баримтлах бодлого” боловсруулах Ажлын хэсгийн ахлагчГ. Ганхүү ГУУГТХҮ-ийн салбарт жендэрийн талаар баримтлах бодлого /2019-2026/-ыг хэрэгжүүлэх үйл ажиллагааны төлөвлөгөө
-БОАЖЯ-ны Цэвэр технологи, хөрөнгө оруулалт, үйлдвэрийн хэлтсийн дарга, Жендэрийн салбар зөвлөлийн нарийн бичгийн даргаД.Уранчимэг Байгаль орчны салбарын жендэрийн бодлогын хэрэгжилт, туршлага , сургамж зэрэг сэдвүүдээр илтгэл тавилаа.
“Геологи, уул уурхай, газрын тос, хүнд үйлдвэрийн салбарт жендэрийн талаар баримтлах бодлого /2019-2026/”-ын төслийн олон нийтийн хэлэлцүүлгийн үеэр оролцогчид дөрвөн зорилгын хүрээнд бүлэгт хуваагдан, хэлэлцүүлэг өрнүүлэх юм. Хэлэлцүүлгээс гарсан нэгдсэн саналуудыг төсөлдөө тусган ажиллах юм байна.

Эх сурвалж: УУХҮЯскачать dle 12.0