Ё.Баатарбилэг: Монгол-Япон сургалтын эмнэлгийн санхүүжилт, техник, тоног төхөөрөмжийг цогцоор нь шийднэ

БСШУС-ын сайд Ё.БаатарбилэгөнөөдөрАШУҮИС-ийн Монгол-Япон сургалтын эмнэлэгтэй танилцах үеэрээ эхний ээлжинд эмнэлгийн хэвийн үйл ажиллагаанд нэн шаардлагатай урсгал зардлыг Засгийн газар, холбогдох яамд хамтран шийдвэрлэнэ гэдгээ илэрхийллээ.
Тэрбээр Япон Улсаас Монгол Улсад суугаа Онц бөгөөд Бүрэн эрхт Элчин сайд Кобаяаши Хироюки, БСШУСЯ, ЭМЯ, Сангийн яамны газрын дарга, АШУҮИС-ийн удирдлагуудтайтус эмнэлгийн яаралтай тусламж, мэс засал, дуран зэрэг хэд хэдэн тасгаар орсны дараа эмч, мэргэжилтнүүдтэй уулзав.
Тус эмнэлгийг анх ЭМЯ-ны харьяанд байгуулсан боловч, цаашид АШУҮИС-ийг төгсөн гарч буй эмнэлгийн мэргэжилтний мэргэжлийн мэдлэг, ур чадварыг дээшлүүлэх эрүүл мэндийн салбарын бодлого, эрэлт хэрэгцээнд нийцсэн хүний нөөцийг бэлтгэхэд чухал үүрэгтэй гэж үзсэн учраас Засгийн газрын 2020 оны гуравдугаар сарын 17-ны өдрийн хуралдаанаар БСШУС-ын яамны эрхлэх асуудлын хүрээнд шилжүүлсэн юм. 
Энэ үеэр хүний нөөц хангалттай бэлтгэгдсэн ч санхүүжилтээс болж зарим тоног төхөөрөмжөө ашиглаж чадахгүй байгаагаа эмч, мэргэжилтнүүд хэлж байлаа. Түүнчлэн эмнэлэгт өр үүсч, эм, урвалж бодис, эмнэлгийн хэрэгслийн дутагдалд оржээ.

Тус эмнэлгийнЭмнэлзүй эрхэлсэн дэд захирал Ц.Эрдэмбилэг хэлэхдээ,“Манай эмнэлэг бүрэн үйл ажиллагаа явуулахад 14.3 тэрбум төгрөгийн хөрөнгө оруулалтаар тоног төхөөрөмж худалдан авах шаардлагатай байгаа. Үүнд мэс засал, яаралтай тусламж, эрчимт эмчилгээ, ариутгал халдваргүйтгэлийн багаж хэрэгсэл, тоног төхөөрөмжбагтаж байна.Эмнэлэгмэс заслын хүчин чадлын хувьд хагалгааны дөрвөн хэсэгтэй. Хагалгааны хэсгүүд эрхтэн шилжүүлэн суулгах түвшний ариутгал, халдваргүйтгэлийн вакуумжсан мэс заслын хэсэгтэй. Шаардлагатай мэс заслын багаж хэрэгслээ авах юм бол ерөнхий мэс засал, нүд, чих, хамар хоолой, гэмтэл, хүүхэд, эмэгтэйчүүд, мэдрэл гэх мэт хагалгаа хийнжилд 3000 гаруй хүнд мэс заслын тусламж үйлчилгээ үзүүлэх боломжтой” гэдгийг тодотгов.

БСШУС-ын сайдЁ.Баатарбилэг,“Дэлхийн банкны санхүүжилтээр 10 гаруй тэрбум төгрөгийн тоног төхөрөөмжийг шийдвэрлэхээр болсон.Сангийн яам холбогдох хэлэлцээрийг хийсний дараа ажлыг нэн даруй эхлүүлнэ. Бусад төхөөрөмжид шаардлагатай 2.3 тэрбум төгрөгийн асуудлыг төсөвт суулгаж өгсөн.Эмнэлэгт үүсээд буй800 гаруй сая төгрөгийн өрийгСангийн яам ирэх долоо хоногт хуваарьт өөрчлөлт оруулж шийднэ” гэв.

Тус эмнэлгийн амбулаторийн 28 үзлэг, үйл оношилгооны кабинетаар өдөрт 560 хүн, жилд 110 мянган хүнд үйлчлэх, хэвтэн эмчлүүлэх тасгууд нь  250 хүртэлх орны багтаамжтай бөгөөд жилд 6200 хүнд үйлчлэх хүчин чадалтай аж. 

Энэ сарын байдлаар тус эмнэлгийн амбулаториор 29937 үйлчлүүлэгч үйлчлүүлж, 8525 үйл оношилгоо, 7472 радиологийн оношилгоо, 14985 хүнд 316.789 лабораторийн шинжилгээ хийлгэсэн бөгөөд МУАУҮТ-өөр 839 үйлчлүүлэгч хэвтэн эмчлүүлжээ.скачать dle 12.0