АНУ иргэддээ амны хаалт зүүх зөвлөмж өгөх эсэхээ хэлэлцэж байна
АНУ-ын эрүүл мэндийн мэргэжилтнүүд олон нийтийн газарт иргэдээ амны хаалт зүүлгэх зөвлөмж гаргах эсэхийг шийдэхээр Цагаан ордонд хэлэлцэж байна.
Даавуун амны хаалт хүртэл коронавирус тархах эрсдэлийг бууруулахад дэмтэй гэж тус улсын халдварт өвчнөөс урьдчилан сэргийлэх төвийн дотоодын бичиг баримтад тэмдэглэсэн талаар “Washington Post” мэдээлжээ. Энэхүү төвөөс дээрх зөвлөгөөг хэлэлцүүлэх санал гаргасан аж.
Одоогийн зөвлөмжөөр зөвхөн эрүүл мэндийн ажилтнууд, өвчтөнүүд тэднийг асарч байгаа хүмүүст амны хаалт зүүх зөвлөгөө өгөөд байгаа юм. Өөрөөр хэлбэл, иргэд олон нийтийн газарт явахдаа заавал амны хаалт зүүх шаардлагагүй. Хэлэлцүүлгийн үеэр АНУ-ын ерөнхийлөгч Дональд Трамп ороолт ашиглах саналыг дэвшүүлсэн байна.
Одоогоор Америк улс N95 болон нэг удаагийн амны хаалтын хомсдолд ороод буй. Эмч, сувилагч нар нэг амны хаалтаа дахин хэрэглэх эсвэл оронд нь алчуур хэрэглэх тохиолдол гарч байгаа. Тиймээс олон нийт бус зөвхөн шаардлагатай мэргэжилтнүүд амны хаалт хэрэглэхийг зөвлөжээ. Үүнээс гадна зай барих, гараа тогтмол угаахыг уриалж буй.
АНУ-ын эмнэлгийн удирдах газрын дарга Жером Адамс хоёрдугаар сард твиттер хуудсандаа “Амны хаалт битгий худалдаж ав. Энэ нь коронавирусээс урьдчилан сэргийлэх үр дүнтэй арга биш. Эсрэгээрээ амны хаалт зүүснээр халдварын тархалт нэмэгдэх эрсдэлтэй. Хүмүүс нүүрэндээ байнга хүрч, хэрхэн хэрэглэхийг нь мэдэхгүй” хэмээн жиргэж байжээ.
АНУ-д өнөөдрийн байдлаар /2020.04.02/ коронавирусийн халдвартай хүний тоо 215003, нас барсан хүний тоо 5102 болсон байна.
Эх сурвалж: BBC
Даавуун амны хаалт хүртэл коронавирус тархах эрсдэлийг бууруулахад дэмтэй гэж тус улсын халдварт өвчнөөс урьдчилан сэргийлэх төвийн дотоодын бичиг баримтад тэмдэглэсэн талаар “Washington Post” мэдээлжээ. Энэхүү төвөөс дээрх зөвлөгөөг хэлэлцүүлэх санал гаргасан аж.
Одоогийн зөвлөмжөөр зөвхөн эрүүл мэндийн ажилтнууд, өвчтөнүүд тэднийг асарч байгаа хүмүүст амны хаалт зүүх зөвлөгөө өгөөд байгаа юм. Өөрөөр хэлбэл, иргэд олон нийтийн газарт явахдаа заавал амны хаалт зүүх шаардлагагүй. Хэлэлцүүлгийн үеэр АНУ-ын ерөнхийлөгч Дональд Трамп ороолт ашиглах саналыг дэвшүүлсэн байна.
Одоогоор Америк улс N95 болон нэг удаагийн амны хаалтын хомсдолд ороод буй. Эмч, сувилагч нар нэг амны хаалтаа дахин хэрэглэх эсвэл оронд нь алчуур хэрэглэх тохиолдол гарч байгаа. Тиймээс олон нийт бус зөвхөн шаардлагатай мэргэжилтнүүд амны хаалт хэрэглэхийг зөвлөжээ. Үүнээс гадна зай барих, гараа тогтмол угаахыг уриалж буй.
АНУ-ын эмнэлгийн удирдах газрын дарга Жером Адамс хоёрдугаар сард твиттер хуудсандаа “Амны хаалт битгий худалдаж ав. Энэ нь коронавирусээс урьдчилан сэргийлэх үр дүнтэй арга биш. Эсрэгээрээ амны хаалт зүүснээр халдварын тархалт нэмэгдэх эрсдэлтэй. Хүмүүс нүүрэндээ байнга хүрч, хэрхэн хэрэглэхийг нь мэдэхгүй” хэмээн жиргэж байжээ.
АНУ-д өнөөдрийн байдлаар /2020.04.02/ коронавирусийн халдвартай хүний тоо 215003, нас барсан хүний тоо 5102 болсон байна.
Эх сурвалж: BBC