ИХ ХОТЫН ЗҮТГҮҮР

Амлалт биш ажлын тайлан барьсан нэр дэвшигч-
1.Хотын дарга, түүний баг бол хөгжлийн галт тэрэгний түүчээ, зүтгүүр нь юм. Энэ зүтгүүр хэр сайн ажиллаж, хэрхэн зөв хөтөлж чиглүүлэв гэдгээс хотын хөгжил тодорхойлогдоно. Пүрвээгийн Баярхүүг дөрөв дэх засаглал буюу хэвлэл мэдээллийнхэн “Хотын зүтгүүр” хэмээн нэрлэдэг байв. Нийслэлийн Засаг даргынДэд бүтэц, гэр хорооллын хөгжлийн асуудал хариуцсан орлогчоор ажиллах хугацаандаа тэрбээр хотын өмнө тулгамдсан олон асуудлын шийдэл, гарцыг нь олж, дэд бүтцийн том төслүүдийг гараанаас хөдөлгөсөн нь ийн нэрлэхэд хүргэсэн юм.
Бүр тодорхой хэлбэл, гэр хорооллын дахин төлөвлөлтийн эрчийг сулруулалгүй үргэлжлүүлж, орлогод нийцсэн орон сууц, түрээсийн орон сууцыг дэмжих оновчтой бодлогоор улам баяжуулан эрчимжүүлсэн, их хотын нийтийн тээврийн үйлчилгээг смарт картад 100 хувь шилжүүлж, төв замын түгжрэлийг бууруулахын тулд зүүн эргэлтийг хориглосон зоримог шийдвэрийг гаргасан, хууль бусаар баригдсан барилга, байгууламжийг нүүлгэн шилжүүлж газар чөлөөлөх ажлыг зоригтой эхлүүлж даацтай хийж чадсан гээд түүний түүчээлсэн олон ажлыг нь онцолж болно.
Хийж бүтээсэн, санаж сэдсэн ажил бүхнийх нь цаанаас “Миний төрж өссөн нутаг Улаанбаатар” хэмээн ам бардам хэлэх унаган хүүгийнх нь чин халуун сэтгэл үнэртэж, чигч шулуун зүтгэл мэдрэгдэж байдаг учраас олон нийт түүнд итгэдэг, их ачаа үүрүүлдэг.
2.
Нэр дэвшигчид эдүгээ намынхаа мөрийн хөтөлбөр, хувийнхаа амлалтыг бариад сонгогчидтойгоо уулзаж яваа. Пүрвээгийн Баярхүү харин ажлын тайлан ярьж байна. Хийсэн ажилтай хүн тэгэхээс яах вэ. Хэдийгээр нийслэлийн Засаг даргын орлогчийн ажлаа хүлээлгэн өгөөд тодорхой хугацаа өнгөрсөн ч түүний санаачилж эхлүүлсэн олон зам, гүүр, барилга ашиглалтад орж, заримынх нь бүтээн байгуулалт өрнөсөөр байгаа болохоор тэрбээр ийн амлалт биш ажлын тайлан, бүтээн байгуулалтын бодит төлөвлөгөөг танилцуулж яваа ажээ.
Нийслэлийн Засаг даргын орлогчоор ажиллаж байхдаа Гэр хороололд дэд бүтцийн төв буюу “Сервис центр”-үүдийг барих ажлыг эхлүүлсэн нь өнөөдөр бодитой бүтээн байгуулалт болсон. Түрээсийн орон сууц, хувь хүний орлогод нь нийцсэн орон сууц барих бодлогыг хэрэгжүүлж эхэлсэн нь хамгийн өгөөжтэй, оновчтой ажил болсон. Яармагийн гүүрийг шинэчлэх ажлыг эхлүүлснээр, Улаанбаатарт анхны олон уулзвартай давхар гүүр тавигдсан. Нийслэлээс зүүн аймгууд чиглэлд гурван дүүрэг, таван аймаг руу явдаг Налайх-Чойрын уулзварын дөрвөн эгнээ 20.9 км замыг шинэчлэх ажлыг мөн эхлүүлсэн. Олон улсын стандартад нийцсэнАзийн авто замын сүлжээний АН-3 чиглэлийн энэ зам дөрвөн жилийн өмнө ашиглалтад орсон.
Монгол Улсын хүн амын тал хувь нь оршин сууж байгаа хот иргэдийнхээ амьдрах орчныг сайжруулж, дэд бүтцээ хөгжүүлэхийн тулд юуны өмнө санхүүгийн бие даасан чадамжтай байх ёстой. Хороо нь төсөвтэй байж иргэдэд үйлчилгээ үзүүлэх, иргэддээ хүрч ажиллах бодит нөхцөл бүрдэнэ. Тиймээс санхүүгийн бие даасан байдлыг нэмэгдүүлнэ гэж үзэж нийслэлийн эрх зүйн орчныг шинэчлэх ажлыг эхлүүлсэн.
Хэрвээ Пүрвээгийн Баярхүүгийн “Ажлын тайлан” гэж гаргах аваас ийм жагсаалт байх болов уу. Мэдээж жагсаалт илүү урт үргэлжилнэ.
Түүнийг “Хотын зүтгүүр” гэж нэрлэсний учрыг эндээс харж болно. Хэрвээ түүнд итгэл хүлээлгэн УИХ-д сонгох аваас нийслэлийн тулгамдсан асуудлуудыг илүү өргөн далайцтай, парламентын түвшинд шийдэхийн төлөө ажиллана. Хийсэн ажилтай, хийх ажлаа мэдэж буй хүн нийслэл, дүүрэг, тойргийн асуудалтай танилцах гэж цаг хугацаа алдахгүй. Шийдэл, гарц, гаргалгаа нь түүний халаасанд биш цээжинд, зүрх, тархинд бий. Амлалт, мөрийн хөтөлбөр гэж мөрөөдлийн жагсаалт халааслаад хаалга тогшиж яваа нэр дэвшигчдээс Пүрвээгийн Баярхүү үүгээрээ ялгарна, онцгойрно. Түүнийг цөөн үгээр тодорхойл гэвэл иргэдийнхээ дунд, амьдралд ойр, ажилд зүтгүүр. Хотын зүтгүүр болж чадсан хүн хууль тогтоох дээд байгууллагын зүтгүүр болж чадна.скачать dle 12.0