Ховд аймагт хүрээлэн буй орчны эсрэг гэмт хэрэг өсжээ
Ховд аймаг дахь Цагдаагийн газраас “Байгалиа хамгаалья” аян өрнүүлж байна.
Ховд аймгийн хэмжээнд энэ оны эхний дөрвөн сарын байдлаар хүрээлэн буй орчны эсрэг гэмт хэрэг 15 бүртгэгдсэн нь өмнөх оны мөн үетэй харьцуулахад 14 хэргээр өссөн үзүүлэлттэй байна. Үүний хор уршгаар байгаль экологид нийт 28 сая төгрөгийн хохирол учирч, 47,3 хувь буюу 13 сая төгрөгийг мөрдөн байцаалтын шатанд нөхөн төлүүлжээ.
Үүнтэй холбогдуулан хүрээлэн буй орчны эсрэг гэмт хэргийг таслан зогсоох, урьдчилан сэргийлэх ажлыг эрчимжүүлэх, энэ төрлийн гэмт хэргийн хор уршгийн талаар иргэдэд таниулах, иргэдийн эрх зүйн мэдлэгийг дээшлүүлэх, хамтын ажиллагааг сайжруулах зорилгоор Ховд аймаг дахь Цагдаагийн газраас “Байгалиа хамгаалья” аян өрнүүлж, Мөрдөн байцаах тасгийнхан олон талт арга хэмжээг үе шаттайгаар зохион байгуулж байгаа юм.
Одоогийн байдлаар 14 төрийн болон төрийн байгууллагын ажилтан, албан хаагчид, их дээд сургуулийн оюутнуудад хүрээлэн буй орчны эсрэг гэмт хэргийн талаар мэдээлэл хийж, холбогдох хууль тогтоомжийг сурталчилж ажилласан байна. Мөн энэ чиглэлээр 2 удаагийн нээлттэй хаалганы өдөрлөг, танин мэдэхүйн “АХА” тэмцээн явуулав. Түүнчлэн Жаргалант сумын ерөнхий боловсролын сургуулийн 5 дугаар ангийн сурагчдад байгаль орчинтой зөв харьцах дадал, зуршил төлөвшүүлэх, зэрлэг ан амьтныг хайрлан хамгаалах сэтгэхүйг хөгжүүлэх чиглэлээр мэдээлэл хийж, сурагчид байгаль эх дэлхийгээ хамгаалах үйлсэд өөрсдийн хувь нэмрээ оруулахыг уриаллаа.
Цаашид иргэд, олон нийтийн оролцоотойгоор хүрээлэн буй орчны эсрэг гэмт хэргээс урьдчилан сэргийлэх, хууль бус үйлдлийг илрүүлэх, таслан зогсоох чиглэлээр хяналт шалгалтыг эрчимжүүлэх, хамтын ажиллагаа, уялдаа холбоогоо сайжруулах зэрэгт анхаарч ажиллана гэж Цагдаагийн байгууллагаас мэдээллээ.
Ховд аймгийн хэмжээнд энэ оны эхний дөрвөн сарын байдлаар хүрээлэн буй орчны эсрэг гэмт хэрэг 15 бүртгэгдсэн нь өмнөх оны мөн үетэй харьцуулахад 14 хэргээр өссөн үзүүлэлттэй байна. Үүний хор уршгаар байгаль экологид нийт 28 сая төгрөгийн хохирол учирч, 47,3 хувь буюу 13 сая төгрөгийг мөрдөн байцаалтын шатанд нөхөн төлүүлжээ.
Үүнтэй холбогдуулан хүрээлэн буй орчны эсрэг гэмт хэргийг таслан зогсоох, урьдчилан сэргийлэх ажлыг эрчимжүүлэх, энэ төрлийн гэмт хэргийн хор уршгийн талаар иргэдэд таниулах, иргэдийн эрх зүйн мэдлэгийг дээшлүүлэх, хамтын ажиллагааг сайжруулах зорилгоор Ховд аймаг дахь Цагдаагийн газраас “Байгалиа хамгаалья” аян өрнүүлж, Мөрдөн байцаах тасгийнхан олон талт арга хэмжээг үе шаттайгаар зохион байгуулж байгаа юм.
Одоогийн байдлаар 14 төрийн болон төрийн байгууллагын ажилтан, албан хаагчид, их дээд сургуулийн оюутнуудад хүрээлэн буй орчны эсрэг гэмт хэргийн талаар мэдээлэл хийж, холбогдох хууль тогтоомжийг сурталчилж ажилласан байна. Мөн энэ чиглэлээр 2 удаагийн нээлттэй хаалганы өдөрлөг, танин мэдэхүйн “АХА” тэмцээн явуулав. Түүнчлэн Жаргалант сумын ерөнхий боловсролын сургуулийн 5 дугаар ангийн сурагчдад байгаль орчинтой зөв харьцах дадал, зуршил төлөвшүүлэх, зэрлэг ан амьтныг хайрлан хамгаалах сэтгэхүйг хөгжүүлэх чиглэлээр мэдээлэл хийж, сурагчид байгаль эх дэлхийгээ хамгаалах үйлсэд өөрсдийн хувь нэмрээ оруулахыг уриаллаа.
Цаашид иргэд, олон нийтийн оролцоотойгоор хүрээлэн буй орчны эсрэг гэмт хэргээс урьдчилан сэргийлэх, хууль бус үйлдлийг илрүүлэх, таслан зогсоох чиглэлээр хяналт шалгалтыг эрчимжүүлэх, хамтын ажиллагаа, уялдаа холбоогоо сайжруулах зэрэгт анхаарч ажиллана гэж Цагдаагийн байгууллагаас мэдээллээ.