Л.БОЛД ГИШҮҮН ХЭЛСЭН ҮГНИЙХЭЭ ТӨЛӨӨ ТАВАН ЖИЛИЙН ЯЛ АВАХ ҮНДЭСЛЭЛ БҮРДЧИХЛЭЭ. ХАРИУЦЛАГА ТООЦОЖ ЧАДАХ УУ?

УИХ-ын гишүүд хэлсэн үгэндээ хариуцлага хүлээхгүй гэж хуульд заасны харгайгаар гишүүд дуртай бүхнээ бурдаг, бусдын хууль бус үйлдэлд уриалан дууддаг, нотлогдоогүй зүйлээр бусдыгаа гүтгэдэг байдал хэрээс хэтэрч байна. Үүний хамгийн сүүлийн жишээ гэвэл, УИХ-ын гишүүн Л.Болд “Н.Номтойбаяр, Ж.Мөнхбат нарыг жагсаалын үеэр 200 цэрэг бэлдэж, цуст мөргөлдөөн хийх гэж байна” гэж өнгөрсөн долоо хоногт жагсаал зохион байгуулахдаа мэдэгдсэн. Уг мэдэгдлээс авч үзвэл, ард түмнийг талцуулж, үймээн самуунд уриалан дуудсан утга санааг агуулж буй нь илт. Хэрвээ магадгүй энэ мэдэгдлийг ард түмэн эмзэгээр тусгаж аваад ямар нэг болчимгүй алхам хийсэн бол 2008 оны долдугаар сарын 1-ний харуусалт түүх давтагдахгүй гэх газаргүй байв. Азаар монголчууд ухаантай ард түмэн юм. Тиймдээ энэ мэдэгдлийг уужуу тайвнаар хүлээж аваад түүний эл үгэнд хууртаж, хошгорсонгүй. Цаашлаад түүний атгаг санааг гүйцэлдүүлж, бах тавыг нь хангасангүй.
Нөгөөтэйгүүр, Л.Болдтой гишүүн дээрх үгийг хэлж, бүх нийтийг уриалан дуудснаараа хуулийн дагуу хариуцлага хүлээх сууриа өөрөө тавьсан юм. Тодруулбал, Эрүүгийн хуулийн 20 дугаар бүлгийн Олон нийтийн аюулгүй байдал, ашиг сонирхлын эсрэг гэмт хэргийн 20.1-т дэлбэлэх, галдан шатаах, олон хүнийг үхэлд хүргэх аюул бий болгох бусад үйлдэл, эд хөрөнгийн хор уршиг учруулах; нийгэмд аюултай өөр хор уршиг учруулахад бэлтгэж байгаа талаар зориуд худал мэдээлсэн бол нэг жилээс таван жил хүртэл хугацаагаар хорих ял шийтгэнэ гэж заажээ. Ингэхээр Л.Болд гишүүний хэлсэн “200 цэрэг бэлдэж, цуст мөргөлдөөн хийх гэж байна” гэдэг үг нь ард түмнийг цуст мөргөлдөөнд уриалан үгнийхээ төлөө таван жилийн хорих ял эдлэх ёстой болж таарч байна.
Хэдийгээр тэрбээр уучлалт гуйсан. Гэхдээ уучлалт гуйлаа гээд хариуцлага хүлээхгүйгээр зүгээр өнгөрчих асуудал биш гэдгийг эрх баригчид эрх биш ухамсарлаж буй байх. Хэрвээ жирийн нэг иргэн Сүхбаатарын талбай дээр зогсоод түүний хэлсэн уриалгыг уриалсан бол өдийд аавын хаалга татчихсан байгаа. Гэтэл Л.Болд гишүүн өчигдөр ч, өнөөдөр ч Төрийн ордонд заларч, халдашгүй бүрэн эрхээ эдэлсээр байна. Тиймээс Л.Болд гишүүн Эрүүгийн хуулиар таван жилийн хорих эдлэх үндэслэлээ өөрөө бий болгочихлоо. Одоо түүний бүрэн эрхийг түтгэлзүүлэхэд татгалзах юм байхгүй биз дээ гэдгийг төрийн эрх баригчдаас асууя.
Г.Нацаг-Эрдэнэскачать dle 12.0