Л.Амар: Банкны салбарт чанаргүй зээлийн өсөлт нилээд ажиглагдсан

Л.Амар: Банкны салбарт чанаргүй зээлийн өсөлт нилээд ажиглагдсан

 Монгол Банкны Холбооноос "Банкны салбарын тойм" мэдээлэл хийлээ. 
 Монгол Банкны Холбооны Гүйцэтгэх захирал бөгөөд Ерөнхий найрийн бичгийн дарга Л.Амар: "Коронавирусийн сөрөг нөлөөллөөр эдийн засаг удаарширсантай холбоотойгоор банкны салбарын зээлийн эрэлт, зээлийн нийлүүлэлт хязгаарлагдсан. Монгол банкнаас хэрэглээний зээл хэтэрхий их гарсантай холбоотойгоор хэрэглээний зээлд хязгаарлалт тавихаар болсон билээ. Үүний нөлөөгөөр хэрэглээний зээл оны эхэнд 17 орчим хувиар буурсан.
Хадгаламжийн хүү оны эцэст 11 хувь буюу түүхэн доод түвшинд хүрсэн бол долларын хадгаламж 50 хувь нэмэгдсэн. Нийт хадгаламжийн 20 орчим хувь нь долларын хадгаламж байсан бол 30 хувь болж нэмэгдсэн. Долларжилт нэмэгдснээр эдийн засаг эрсдэлд орох учир долларжилтийн эсрэг Төв банкнаас тодорхой хэмжээний арга хэмжээг авч ажилласан. Тухайлбал, банк хоорондын гүйлгээний тооцог ам.доллараар хийхыг хориглосон.

Мөн ам.долларын хадгаламжийг хадгаламжийн долларын корпораци даатгадаг байсныг хориглосон. Долларын хадгаламж даатгалгүй болж зөвхөн төгрөгийн хадгалмж даатгалтай болсон байгаа.

Түүнчлэн, уул уурхайн салбар дах чанаргүй зээл нилээд хэмжээгээр нэмэгдсэн. Уул уурхайгаас шалтгаалаад тээврийн салбар дах таван зээл тутмын нэг нь чанаргүйдсэн. Уг хоёр салбараас голлон шалтгаалж банкны салбарт нийт чанаргүй зээлийн өсөлт ажиглагдаж байна.
 Мөн томоохон үйл явдал болсон нь Худалдаа хөгжлийн банк, Улаанбааатар хотын банк хоёр нэгдсэн үйл явдал юм. Худалдаа хөгжлийн банк оны эхний хагаст 500 сая ам. долларыг өөрийнхөө эх үүсвэрээс гаргаж бондын эргэн төлөлтийг хийсэн. Уг эргэн төлөлт хийгдснээр актив нь буурсан хэдий ч Улаанбаатар хотын банктай нэгдснээр уг бууралт хэвийн түвшиндээ хүрсэн байгаа" гэв.скачать dle 12.0