Соёлын сайд Ч.Номин ДИЖИТАЛ МЕДИА, ГЭРЭЛ ЗУРАГЧДЫН төлөөлөлтэй уулзлаа

Уулзалтын эхэнд Соёлын сайд Ч.Номин Соёлын яамны 2021-2024 оны стратеги төлөвлөгөөний зорилт болох “Соёлын бүтээлч үйлдвэрлэлийг хөгжүүлэх стратеги төлөвлөгөө”-ний төслийг танилцуулж, санал солилцлоо. Дижитал бүтээгдэхүүн нь вэб сайт, мобайл апплейкшн, компьютер, ухаалаг гар утас, энгийн гар утас, таблет, телевиз, тоглоомны дизайн гэх мэт электрон төхөөрөмжид зориулсан бүтээгдэхүүн үйлчилгээний дизайныг гаргадаг. Дижитал шилжилт ихэсэж байгаатай холбоотой эрэлт ихэсэж байгаа хэдий ч хүний нөөц, салбарын талаарх ойлголт муу, зохион байгуулалтгүй, бор зүрхээрээ өнөөдрийг хүрснийг салбарын төлөөлөл хэлж байв.

Энэ удаагийн уулзалтаар:

• Зохиогчийн эрхийн асуудал,
• Хүний нөөц,
• Салбарын хөгжлийн өнөөгийн нөхцөл,
• Хууль эрх зүйн орчин сэдвийн хүрээнд ярилцлаа.

Уулзалтад оролцсон төлөөлөл Соёлын сайдыг хүлээн авч уулзан нээлттэй ярилцаж буйд талархал илэрхийлээд, Соёлын яамны дэргэд гэрэл зургийн архив бий болгох, салбарынхны нийгмийн идэвх, оролцоо, хамтын ажиллагааг дэмжсэн фестивалийг уламжлал болгон зохион байгуулж байхыг хүслээ.

Уулзалтад Соёлын яамны Стратеги бодлого төлөвлөлтийн газрын дарга Л.Мөнбат, Урлаг, уран бүтээлийн газрын дарга Б.Сэргэлэн, Соёлын үйлдвэрлэл, инновацийн газрын дарга Н.Мөнхзул, “Хуур” сайтыг үүсгэн байгуулагч захирал С.Дөлмандах, “IO Tech” ХХК-ний захирал Б.Анхбаяр, “Black candy” ХХК-ний захирал Б.Буянзаяа, “G” энтертайнмент студийн захирал Д.Ганболд, Монголын гэрэл зурагчдын нэгдсэн холбооны ерөнхийлөгч Ц.Батбаатар, “Nomadic bear games” ХХК-ний гүйцэтгэх захирал Б.Төрболд, Монголын гэрэл зурагчдын нэгдсэн холбооны ТУЗ-ийн дарга П.Баттулга, “Gertoon cartoon” студийг үүсгэн байгуулагч гүйцэтгэх захирал Ц.Бат-Оргил, “Pro сraft” дижитал, дизайн агентлагийг хамтран үүсгэн байгуулагч Э.Цогт нар оролцов.
#ГЭРЭЛ ЗУРАГ, #СОЁЛЫН САЙД Ч.НОМИНскачать dle 12.0