Улаанбаатар хотын дугуйн замыг 49.66 км-ээр нэмнэ

Нийслэлийн Замын хөгжлийн газраас өмнө жил эхлүүлсэн дугуйн замыгүргэлжлүүлэн 49.66 км дугуйн замыг барьж дуусгана. Улаанбаатар хот нийт 90 орчим км дугуйн замтай.
Эхний багцад Яармагийн гүүрнээс Налайхын авто зам хүртэлх 17.3 км, Гачууртын уулзвараас Налайх-Чойрын чиглэлийн уулзвар хүртэл 16.6 км дугуйн замын ажил багтжээ. Тус замын гүйцэтгэгчээр “Дабелью Экс Пи” ХХК шалгарч, одоогоорЯармагийн гүүрнээс Налайхын авто зам хүртэл замын нэг талаар 2.4 м өргөнтэй, 17.3 км, Ургах наран хорооллын урд уулзвараас Оргил худалдааны төв хүртэлх 1.2 м өргөн 11.6 км дугуйн замыг авто замын зорчих хэсгийн хоёр талаар,1метр өргөн явган хүний замын хамт тавьжээ.
Мөн Оргил худалдааны төвөөс Налайх-Чойрын уулзвар хүртэл нэг талдаа 1.693 км-т3метр өргөн унадаг дугуй,явган хүний замын хучилтыг хийж байна.Энэ багц ажлын явц 80 хувийн гүйцэтгэлтэй байгаа аж.
Түүнчлэн, унадаг дугуйн замын хоёр дахь багц ажил 30 хувийн гүйцэтгэлтэй байна.Мөн15.76 км тус дугуйн замыг “Драгон бридж” ХХК, “МАЗ” ХХК-ийн түншлэл гүйцэтгэж буй. Одоогоор МУБИС-аас Офицеруудын ордон хүртэл 3500 м, Саппорогийн уулзвараас Баянбүрдийн тойрог чиглэлд 1150 м, Таван шарын автобусны буудлаас 10 дугаар хорооллын уулзвар хүртэл 1500 м асфальт бетон хучилтыг хийж байна.Эдгээр байршилд хэвтээ тэмдэглэгээний ажлыг хэсэгчлэн хийжээ.
Хоёр дахь багц ажлын хүрээнд дугуйн зам тавих байршил нь:
Саппорогийн уулзвараас Баянбүрдийн тойрог хүртэлх 4.7 км, дугуйн замын өргөн 2.4 м
МУБИС-ийн урд уулзвараас Зүүн дөрвөн зам хүртэлх 1.5 км дугуйн замын өргөн 2х1.5 м
Гэсэр сүмийн уулзвараас Анкарагийн гудамж хүртэлх 0.7 км дугуйн замын өргөн 2.5 м
Маршалын гүүрнээс Зайсангийн гүүр хүртэлх Туул голын арын далан дагуух дугуйн зам 2.36 км дугуйн замын өргөн 2.5 м
Зүүн дөрвөн замын уулзвараас Офицеруудын ордон хүртэлх 2.3 км дугуйн замын өргөн 2х1.5 м
Таван шарын автобусны буудлаас 10 дугаар хорооллын уулзвар хүртэлх 4.2 км дугуйн замын өргөн 2х1.5 м байхаар төлөвлөжээ.скачать dle 12.0