Зарим байршлын орон сууцанд 10-20, түүнээс ч олон хоногоор халуун ус тасална

Улаанбаатар хотын 2023-2024 оны өвлийн бэлтгэл хангах урсгал засвар, тохижилт, инженерийн хангамжийн чиглэлээр 24 байгууллага 644 төсөл,үйл ажиллагаа хэрэгжүүлэхээр төлөвлөөд байна.

Тухайлбал, дулааны гол шугам сүлжээний засварын 19, цахилгаан хангамжийн шугам, кабель дэд станцуудын засварын 13, шинээр сувагчлал хийх, сувагчлалын хоолойг сэргээн засах, худаг суурилуулах 18, хороолол доторх инженерийн шугам сүлжээний шинэчлэлтийн8ажил гүйцэтгэнэ.Ус хангамж, ариутгах татуургын шугам сүлжээ, тоног төхөөрөмжийн засвар шинэчлэлтийн 13, халаалтын зуухны засварын 108 ажил, ашиглалтын шаардлага хангахгүй болсон хуучин цахилгаан шатыг шинэчлэх 21 ажил хийхээр төлөвлөжээ.

Мөн авто зам, гүүрийнбайгууламжийн 21, инженерийн шугам сүлжээ, дэд төвийн барилга байгууламжийн 32 ажил хийхээсгадна дүүрэг бүрд нийтийн эзэмшлийн зам талбайг тохижуулна.Үүнтэй холбоотой хотын зарим гудамж, талбайд тодорхой өөрчлөлт хийх, ногоон байгууламжийг нүүлгэн шилжүүлэх, замын хавтан хуулах шаардлага гарч байна. Эдгээр ажлыг төсөвт суулган, төлөвлөгөө гаргаж,бэлтгэл хангасан тул зун хийнэ. Иргэдэд чирэгдэлгүй, өдөр тутмын ажилд аль болох саад болохгүйгээр тохижилт, засвар хийхийг Улаанбаатар хотын Ерөнхий менежер бөгөөд Захирагчийн ажлын албаны дарга М.Баяраатэмдэглэлээ.

УБЗАА-ны Хотын инженерийн байгууламжийн хэлтсийн дарга М.Балдандоржэнэ үеэр ярихдаа, “Улаанбаатар хотын370 км дулааны шугам сүлжээний 90-100 км орчмынх нь, орон сууцны хороолол дундах халаалтын 1223 км шугамын 60 хувийнх нь ашиглалтын хугацаа нь дууссан. Өмнө нь шугам сүлжээг хэсэгчлэн сольж байсан бол энэ жил гол магистрал шугамуудыг иж бүрнээр нь солино”гэсэн юм.

Европын сэргээн босголт, хөгжлийн банк, Дэлхийн банк,нийслэл,Улаанбаатар дулааны сүлжээ ТӨХК-ийн хөрөнгөөр 28.1 км дулааны гол шугам сүлжээг өргөтгөн шинэчилж, шинээр татна. Мөн ЕСБХБ-ны хөнгөлөлттэй зээлээр гурван км хос дулааны шугам шинээр татах юм. Дэлхийн банкны хөнгөлөлттэй зээлээр ашиглалтын хугацааньдууссан 15.7 км дулааны гол шугам сүлжээг өргөтгөн, улс, нийслэлийн төсвийн хөрөнгөөр 7.4 км хос дулааны шугам шинээр татах, 3.4 км хос шугамыг өргөтгөж шинэчилнэ. Улаанбаатар дулааны сүлжээ ТӨХК-ийн хөрөнгөөр 750 метр хос дулааны шугамыг хэсэгчлэн солих юм.

Энэ хүрээнд дулааны гол шугам сүлжээг есөн хэсэгт хуваан тэг зогсолт хийж, 19 байршилд шугам сүлжээг засаж шинэчилнэ. Шугам сүлжээний засвар шинэчлэлийг энэ сарын 15-наас есдүгээр сарын 15 хүртэл хугацаанд хийхдээ заримбайршлын орон сууцанд10-20 хоног, заримдньтүүнээсолон хоногоорхалуун ус тасарна гэдгийг мэдэгдлээ.

Засвар, шинэчлэлийн талаар 748 аж ахуйн нэгжид албан мэдэгдэл хүргүүлж, 9873 өрхөд мэдээлэл өгчээ. Зуны засвар, шинэчлэлийн хүрээнд зөвхөн дулааны шугам биш, цэвэр усны шугам, цахилгааны кабелийг ч иж бүрнээр нь солих аж.скачать dle 12.0