АН-аас СХД-т нэр дэвшигчид олон нийтийг хамарсан уулзалтуудаа зогсоов

УИХ-ын сонгуулийн XI тойрог буюу Сонгинохайрхан дүүрэгт Ардчилсан намаас өрсөлдөж байгаа нэр дэвшигч Н.Алтанхуяг, Ц.Уянга, Н.Амаржин, Ж.Отгонбаяр, П.Галиндэв нар өнөөдөр /2024.06.18/ олон нийтийг хамарсан уулзалтуудаа зогсоож байгаагаа мэдэгдлээ.
Сонгинохайрхан дүүргийн Ардчилсан намаас гаргасан мэдэгдэлд “УИХ-ын сонгуулийн сурталчилгаа эхлээд 7 хоног ч болоогүй байхад үнэхээр харамсалтай, цочирдом хэрэг гарлаа. Ардчиллын төлөө тэмцэж зүтгэж явсан журмын нөхөд минь улс төрийн золиос болж, амиа алдлаа. Журмын нөхдийнхөө өмнөөс түүний гэр бүл, төрөл төрөгсдөд гүн эмгэнэл илэрхийлье.

УИХ-ын сонгуулийн 11 дүгээр тойрогт нэр дэвшигчдийн сурталчилгаа эхэлснээс хойш өрсөлдөгч тал Ардчилсан намаас нэр дэвшигчдийн ухуулах байранд удаа дараа санаатай халдлага хийж, нэгдсэн уулзалтуудыг бэлтгэгдсэн хүмүүсээр зохион байгуулалтайгаар тараах, үймэн самуун дэгдээх, хувь нэр дэвшигч рүү чиглэсэн дайралт хийж, иргэд сонгогчдыг талцуулах үйлдлүүд удаа дараа гарах боллоо.

Энэ нь Өвөрхангай аймагт болсон эмгэнэлт явдал дахин давтагдахгүй гэх баталгаа үгүй. Иймд Сонгинохайрхан дүүргийн Ардчилсан намын зүгээс сонгуулийн сурталчилгааны ухуулагч штабын ажилтан, иргэд сонгогчдын амь насыг хамгаалах үүднээс зөвхөн олон нийтийг хамарсан нэгдсэн уулзалтуудыг зогсоож, цаашид сонгуулийн сурталчилгааны ажил, бодлогын мэтгэлцээн хуулийн дагуу үргэлжлэх болно гэдгийг албан ёсоор мэдэгдэж байна.
Ардчилсан намаас нэр дэвшигчид иргэд сонгогчидтой уулзаж явахад МАН төр барьсан найман жилд нэг намын дарангуйлал тогтсон, төрийн албан хаагч иргэдэд дарамт шахалт үзүүлсээр байгааг маш харамсалтайгаар хэлж байна. Төрийн албан хаагчид тухайлбал, эмч , багш жирийн албан хаагчдыг нарыг үгэнд ор эсвэл ажлаас халагд гэдэг үгээр барьцаалсан байна. МАН засгалсан 8 жилд шударга байдал хариуцлагаа ухамсарлах, эх орноо гэх ухамсар үгүй болж, ЖДҮ-ийн тонуул болон бусад тонуул, нүүрсний хулгай, ногоон автобус, Covid 19 үеийн дэгдэлтnay 20 их наядын шамшигдалтад МАН-ын гишүүд бүгд холбогдсон. Одоо тэрхүү хулгай дээрмээ дарахын тулд сонгуулийг бохир аргаар худалдан авахаар ажиллаж байна.
Улайрсан МАН тэрбум, тэрбумыг цацаж, ард иргэдийн саналыг мянга мянгаар багцалж, авлигадаж авахаар санаархаж байна.

УИХ-ын 2020 оны сонгуульд Сонгинохайрхан дүүргийн иргэдийн саналыг авч УИХ-д сонгогдсон Д.Сумъяабазар, Х.Нямбаатар, П.Анужин, Н.Учрал, Б.Жаргалмаа нар өнөөдөр хаана байна вэ.

Иргэдийг хуурч худал амалж, хийсэн бүтээсэн ажилгүй эргэж уулзах нүүргүй болсондоо өөрсдийн төлөөний хүмүүсээ нэр дэвшүүлчихээд алга болжээ. Сонгинохайрханчуудаа Ардын нам аархаж байна, ардчилал минь дарангуйлалд өртөж байна. Хэрсүү ухаалаг сонголтоор цэг тавина гэдэгт найдаж байна” гэлээ.
Нэр дэвшигчдийн зүгээс “Ардын намаас айсандаа олон нийтийг хамарсан цуглаан уулзалтуудаа зогсоосон гэж ойлгуузай, балмад хүчирхийллийнх нь өгөөш болгохгүйн тулд эрдэнэт хүний амь үнэ цэнэтэй учраас зогсоож байгаа. Бид цаашид бодлогын өрсөлдөөн хийнэ. Хамтдаа ЖДҮ-ийн хулгайч нарыг буулгаж авах ёстой. Х.Нямбаатарын цүнхний хүүхэд П.Сайнзориг, Д.Сумъяабазарын цүнхчин Н.Алтаншагай нар нэр дэвшээд явж байгаа. МАН-д хариуцлага тооцох ёстой гэсэн юм.
Г.ХОРОЛскачать dle 12.0