Бидний төлөө эхнэрээ ч орхих Хотын даргатай боллоо, баярлалаа

Хотын даргаар Б.Пүрэвдагва хэмээх төрд нэг өдөр ч ажиллаагүй, МАН-д ах нарынхаа хар хороос суралцсан залуу нэгэнт томилогдчихлоо. За энэ ч яахав. Үнэн сэтгэлтэй, бас үнэн шалчигнасан даргатай болжээ, бид. Даргын суудалд тухлаагүй байхдаа “Хотын даргын ажил авахаар болсон учраас зургаадугаар сард хийх байсан хуримаа хойшлуулсан. Амьдралынх нь хамгийн гоё мөчийг хойшлуулсанд эхнэрээсээ уучлалт хүсье” гээд шалчигнах юм.
Түүнийг “Тоглоом”-ын дарга бол гэж хэн л шахав гэж дээ. Ерөнхий сайд Н.Учралыг “Дэнжийн 1000”-ын махны лангуун дээр хийсэн мэдэгдлийн сүүл самбайг дэрлүүлэн, өөрөө л цахим ертөнцөд магтуулж эхлээ биз дээ. Мөн "Хуримаа төлөвлөчихсөн байсан. Гэнэт энэ гарч ирээд хуримыг хүртэл цуцалж байна" гээд бидний төлөө ер нь хурим бүү хэл эхнэрээ ч орхих бололтой. Хурим, бал сарын аяллаа төлөвлөөд явж байсан нэг залууг МАН-ынхан буу тулгаж байгаад Хотын дарга болгочих юм даа.
Шалчигнаж байна,аа. Харахгүй юу, “Би буцалж байгаа тостой тогоо руу үсэрч орж байна. Гэхдээ 36 настай би юунаас айх юм” гээд л дайнд явж байгаа мэт л юм яриад явна. Хэрвээ МАН тушаавал Орос Украйны дайны талбар руу ч явчих бололтой. Хотын даргад бас айх зүйл байгааг мэдэж байгаа нь их юм даа. Буцалж байгаа тостой тогоо хараагүй байж мэдэхээр л цагаан захтан, намын сахиул харагдана лээ. Тэгээд ийм зүйл ярих нь хэт хөндий сонсогдох.
Аан тийм, “Би Ерөнхийлөгчийн том охинтой хамтарч амьдарч байсан нь үнэн. Гэхдээ энэ 11 жилийн өмнөх асуудал. Намайг улс төрд гарч ирэнгүүт энэ асуудлыг дэвэргээд байдаг. Одоо аль аль нь гэр бүлээ зохион байгуулаад явж байгаа залуу гэр бүл. Хоёр залуу гэр бүлийн асуудал яригдаж байгаа учраас хүндэтгэлтэй хандахыг хүсэж байна” гэх. Үүнийг дурдах ямар ч шалтгаан байхгүй. Хот удирдахад У.Хүрэлсүхийн охинтой байсан уу, В.Путины охинтой байсан уу огт хамаагүй. Яах аргагүй, МАН-ын ах нараас суралцсан дэг жаяг яваад байна.
Одоо яахав ээ, бидний төлөө эхнэрээ орхиж чадах, өөрийгөө халуун тосонд үйж чадах нэг ийм зориг зүрхтэй сэтгэлтэй даргатай боллоо, нийслэлүүдэд баяр хүргэе.
С.Данзанскачать dle 12.0